ՆԳ նախարարը երկրի ներքին խաղաղության համար ամենամեծ սպառնալիքն է
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի՝ Դիարբեքիրից ընտրված հայազգի պատգամավոր Կարո Փայլանը հայտարարել է, որ երկրի ներքին անդորրը վտանգող ամենամեծ «գործոնը» հենց Թուրքիայի ներքին գործերի նախարար Սուլեյման Սոյլուն է:
Ինչպես գրում է թուրքական artigercek.com կայքը, Փայլանը մեղադրել է նախարարին ժողովրդի շրջանում միմյանց հանդեպ ատելություն ու խժդժություն սերմանելու, ընդդիմադիր գործիչներին սպառնալու և երկրի քրդաբնակ շրջաններում ինքնակառավարման մարմիններում պետական վերահսկիչներ նշանակելով՝ բռնապետական կարգեր հաստատելու համար:
«Նախարարը հեռախոսով սպառնացել է երկրի երրորդ ամենամեծ կուսակցության համանախագահին: «Շաբաթօրյա մայրեր» ակցիայի մասնակից մայրերը 700 շաբաթ շարունակ նստել են այդ հրապարակում, այսօրվա ՆԳ նախարարը դուրս է գալիս, այդ կանանց «ահաբեկիչ» է ասում: Այս նախարարը երկրի ներքին խաղաղության համար մեծ սպառնալիք է, այս երկրի խաղաղության դեմ ամենամեծ սպառնալիքը նման նախարարի դիրքորոշումն է», - ասել է Փայլանը:
Նա նաև հիշեցրել է որպես «ահաբեկիչ» բանտերում հայտնված բազմաթիվ ընդդիմադիր լրագրողների ու հասարակական գործիչների մասին:
«Հասարակության մի մասը ՆԳ նախարարի արածների համար ասում է «Բրավո», մի մասն էլ ասում է, թե «Ա՛յ ընկեր, պետությունն ինչո՞ւ է ինձ տանջում»: Այս երկրում կան հայրեր, որոնք ինքնասպան են եղել, քանի որ իրենց երեխայի համար տաբատ չեն կարողացել գնել: Իրենց հողը մշակել չկարողացող գյուղացիներ, իրենց երեխային ծախսի գումար տալ չկարողացող պետական աշխատողներ:
Այս մասին նոր բյուջեի նախագծի մեջ խոսք չկա», - նշել է հայազգի պատգամավորը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա