Ինչ է կատարվում ֆեյսբուքում, երբ գրառում ես անում

Ահա թե ինչ եղավ ֆեյսբուքում, երբ Պիտաչոկը գրառում արեց եղանակի վերաբերյալ:

Պիտաչոկ - Կարծես թե անձրեւ է գալու:

Վիննի Թուխ - Դու ո՞վ ես, որտեղից հայտնվեցիր: Ո՞ւր էիր մինչեւ հեղափոխությունը, ինչո՞ւ ձայնդ դուրս չէր գալիս: Մենք էլ աչք ունենք, մենք էլ պատուհան ունենք: Յոլա կգնանք առանց խոզանման դն չերի կարծիքների: 

 Ավանակ Իա - Իսկ ինչո՞ւ աշխարհին նայել սեւ ակնոցներով: Պետք է ավելի լավատես լինել, չէ որ իրավիճակ է փոխվել: Եթե դեմ չեք ես ձեզ լավ հոգեբանի տեղ կասեմ:

 Իմաստուն Բու - Մենք պետք է կենտրոնանանք մեր ներաշխարհի վրա, մեր խոհերի, մտածմունքների, եւ ոչ թե անցողիկ եղանակի:

 Կատու Լեոպոլդ - Իսկ դո՞ւ ինչ ես արել, որ եղանակն ավելի լավը լինի: Գործ արա նվնվալու, դժգոհելու փոխարեն: Ուֆ, էս ինչքան դժգոհ եք:

 Առյուծիկ - Հոգնեցրին արդեն խոզուկները: Նորմալ երկրներում դրանցից ճաշ են պատրաստում, իսկ մեզ մոտ սրանք օդերութաբան են դարձել:

 Պույ-Պույ մկնիկ - Թողեք մարդիկ աշխատեն էլի: Հիմա էլ եղանակից եք դժգոհ: Բա ինչո՞ւ Սերժի ժամանակ անձրեւից չէիք դժգոհում ու մկան ծակերից դուրս չէիք գալիս:

 Պինգվին Վին - Անձրեւից եք դժգոհում: Իսկ դուք մի անգամ գոնե Անտարկտիդայում եղե՞լ եք: Էկրանի հետեւից գրելն ու դժգոհելը այնքան հեշտ է, երբ տաքուկ տանը նստած ես: 

Top-News.am