«Ռեալը» մի կերպ գոլ խփեց, բայց պարտվեց

Մադրիդի «Ռեալի» անհաջողություննների շարանը շարունակվում է: Յոթ ժամից ավելի մադրիդյան թիմը ընդհանրապես գոլ չէր խփել: Այսօր խփեցին գոլ, բայց 2:1 հաշվով Մադրիդում պարտվեցին «Լեւանտեին»:

Խաղասկզբում մադրիդցիները երկու անտրամաբանական գոլ բաց թողեցին, որոնցից մեկը «Լեւանտեին» նվիրեցին մրցավարները՝ նշանակելով 11 մետրանոց հարված:

«Ռեալը» բազմաթիվ գոլային պահեր ստեղծեց, անգամ գոլեր խփեց, որոնք մրցավարները չհաշվեցին, բայց միայն Մարսելոյին Բենզեմայի փոխանցումից հետո հաջողվեց գոլ խփել:

«Ռեալի» կախարդական շրջանը շարունակվում է, իսկ այս խաղի մասին պատկերացում կազմելու համար նշենք, որ մադրիդցիները դարպասին հարվածել են 21 անգամ՝ 5-ի դիմաց, ընդ որում, ինը դիպուկ: Գնդակին տիրելու առավելությունը 70-ը՝ 30-ի դիմաց: Բացի այդ, մադրիդցիներն իրացրել են 12 անկյունային՝ մեկի դիմաց:

Top-News.am