Հայաստանը գնում է դեպի հերթական քաղաքական մոնոպոլիայի ձևավորում
Հայաստանի Հանրապետության երկրորդ նախագահ Ռոբերտ Քոչարյանը ռուսական «ՌԻԱ Նովոստի» գործակալությանը տված հարցազրույցում կիսվել է իր կանխատեսումներով` կապված դեկտեմբերին սպասվող արտահերթ խորհրդարանական ընտրությունների հետ:
Ռոբերտ Քոչարյանը համոզված է, որ այս պահին արտահերթ ընտրությունների գնալու անհրաժեշտություն բնավ չկար, իսկ նման պայմաններում կարճ ժամանակ անց երկիրը կհանգի նոր քաղաքական ճգնաժամի:
«Ես ենթադրում եմ, որ արդեն մեկ-երկու տարուց կգերիշխեն խոսակցություններն այն մասին, որ նոր խորհրդարանը չի արտացոլում հասարակության մեջ առկա իրական տրամադրություններն ու ընտրված է ոչ լեգիտիմ կերպով, քանի որ նախորդը լուծարվել է աննախադեպ ճնշման տակ», - ասել է Քոչարյանը՝ համոզմունք հայտնելով, որ այդ ժամանակ խոսակցություններ կսկսվեն նոր ընտրությունների անհրաժեշտության մասին:
Ըստ նրա՝ նման նախադեպերն ունեն երկարատև բացասական հետևանքներ, ինչից անհրաժեշտ է հնարավորինս խուսափել:
Երկրորդ նախագահը նշում է, որ արտահերթ ընտրությունների անցկացման օբյեկտիվ պատճառներ չկային:
«Խորհրդարանը քվեարկում էր կառավարության գրեթե բոլոր օրինագծերի օգտին: Ավելին՝ նրանք հայտարարեցին, որ պատրաստ են գործել նույնկերպ: Այսինքն՝ գործող կառավարության աշխատանքում խոչընդոտ չկար: Այստեղ առկա էր Փաշինյանի՝ իշխանությունը կոնսոլիդացնելու և իր պոպուլյարության գագաթնակետին հաջողությունն ամրապնդելու ակնհայտ ցանկություն», - ասել է ՀՀ երկրորդ նախագահը:
Նրա կարծիքով՝ քաղաքական գործչի համար դա ճիշտ մարտավարական քայլ է, սակայն պետական գործչի համար՝ ռազմավարական սխալ:
«Պետք է կողմնորոշվել, թե որ խմբին ես դու պատկանում», - նշել է Քոչարյանը:
Նա նաև հայտարարել է, որ այժմ Հայաստանը գնում է դեպի նոր քաղաքական մոնոպոլիայի ձևավորում, ինչի դեմ ի սկզբանե հենց ուղղված էր «Թավշյա հեղափոխությունը»:
«Վատ է, իհարկե, որ մենք կունենանք միահեծան խորհրդարան: Այսօրվա հարցումները ցույց են տալիս, որ երկիրը գնում է դեպի հերթական քաղաքական մոնոպոլիայի ձևավորում: Իսկ դա հենց այն է, ինչի դեմ ծագեց ու ինչի դեմ ուղղված էր «Թավշյա հեղափոխությունը» Հայաստանում: Այդ իսկ պատճառով, ես կարծում եմ, որ տեղի ունեցողը կասկածելի է երկարաժամկետ պետական շահերի տեսանկյունից», - նշել է Քոչարյանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԱՄՆ-ի գործողությունները Հորմուզի նեղուցում փակուղի են. Արաղչի
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ