Ֆլորենցիայի չորս փողոցներում արգելք է մտցվել սննդի օգտագործման վրա

  Ֆլորենցիայում զբոսաշրջիկները ստիպված
կլինեն 500 եվրոյի չափով տուգանք մուծել, եթե նրանց նկատեն որոշակի
վայրերում ուտելիս։ Իտալիայում ուժի մեջ մտնող նոր օրենքը արգելում է ուտել
Ֆլորենցիայի չորս փողոցներում։ Խոսքը Վիա դե Ների, Պյացալե դելյի Ուֆիցի,
Պյացա դել Գրանո և Վիա դելա Նինա փողոցների մասին է։

  Հաղորդվում է, որ նոր օրենքը գործելու է ցերեկը ժամը 12-ից 15–ը և
երեկոյան 18-ից 22-ը։ Արգելքը գործելու է մինչև 2019 թվականի հունվարի 6-ը։
Ֆլորենցիան հայտնի է իր համեղ ուտեստներով, սակայն տեղի բնակիչները
հոգնել են այն բանից, որ զբոսաշրջիկները մշտապես սնվում են ռեստորաններից
դուրս և հաճախ խանգարում են իրենց հանգիստ տեղաշարժվել փողոցներում։ «Սա ոչ
թե պատժիչ, այլ ընդամենը զսպող միջոց է»,– պարզաբանել է Ֆլորենցիայի
քաղաքապետ Դարիո Նարդելան։