Ինչպես անարգեցին ֆուտբոլը Բարսելոնայում

Իհարկե, առավել միամիտները եւ ֆուտբոլը խորությամբ չտիրապետողները կարող են հանգիստ ասել, թե ՊՍԺ-ի կարգի թիմը հանգիստ կարող է խաղի վերջում յոթ րոպեում երեք գոլ բաց թողնել:

Իսկ նրանք, ովքեր ֆուտբոլից հասկանում են, գիտեն, որ Չեմպիոնների լիգայի խաղարկությունում վերջին յոթ րոպեում ՊՍԺ-ի կարգի թիմը չի կարող երեք գոլ բաց թողնել «Բարսելոնայից», որը մի կերպ է հաղթում «Լեգանեսին», եւ որտեղ խաղում են Նեյմար ու Սուարես, որոնք անդադար իրենց վայր են գցում, մուրալով 11 մետրոնոց հարված կամ տուգանային:

Խաղից դուրսից գոլ եմ խփում՝ թուրք մրցավար Այթեկինը հաշվում է: Նա նշանակում է երկու խայտառակ, գոյություն չունեցող 11 մետրոնոց: ՊՍԺ-ի ֆուտբոլիստների մի մասը, չգիտես ինչու, ֆուտբոլ չի խաղում եւ կանգնած նայում է, թե կատալոնացիներն ինչպես են գրոհում, ճիշտ այնպես, ինչպես «Բարսելոնայի» ֆուտբոլիստներն էին դիտորդի դերում Փարիզում, երբ պարտվեցին 4:0 հաշվով:

Իսկ երբ ավելացված ժամանակում անհետացավ խաղի րոպեները ցուցադրող գրաֆիկան, պարզ դարձավ, որ խաղալու են այնքան, մինչեւ խփվի վերջին գոլը:

Բարսելոնայում անարգեցին ֆուտբոլը, ծաղր ու ծանակի ենթարկեցին: Միլիոնավոր մարդիկ գումարներ կորցրին, իսկ մի քանի հոգի հսկայական գումար դիզեց: Արդյունքում, արդեն որեւէ լուրջ մարդ չի կարող հավատալ, որ Բլատերի եւ Պլատինիի հեռացումից հետո ֆուտբոլն ավելի ազնիվ է դարձել:

Ապրեւմ ենք մեծխայտառակությունների ժամանակում:

Top-News.am