Լուկաշենկոն 50-ամյա ԳԱԶ-69-ի ղեկին Պուտինի հետ շրջայց է կատարել իր փոքր հայրենիքում

Բելառուսի նախագահ Ալեքսանդր Լուկաշենկոն իր ռուս գործընկեր Վլադինմիր Պուտինին հրավիրել է Մոգիլյովի մարզում Ալեքսանդրիա ագրոավանը, որտեղ իր հյուրին աղբյուրի առողջարար ջուր եւ վառարանի դրանիկներ է հյուրասիրել։ Այս ավանը, որտեղ նախագահները եղել են ուրբաթ օրը՝ Մարզերի V ֆորումից հետո, Լուկաշենկոյի փոքր հայրենիքն է՝ տեղեկացնում է ԲԵԼՏԱ-ն։

Երկու նախագահները ֆորումից հետո շարունակել են ոչ պաշտոնական շփումը։ Լուկաշենկոն Պուտինին առողջարար ջուր եւ դրանիկներ (կարտոֆիլից ազգային կերակուր) է հյուրասիրել, նաեւ ցույց է տվել իր հայրական տունը եւ գյուղի ջրհորը, որ իր հյուսն Տրոֆիմ պապն է կառուցել։ Լուկաշենկոն եւ Պուտինն այս շրջագայության ընթացքում տեղաշարժվել են ոչ թե ներկայացուցչական ավտոմեքենաներով, այլ 1960 թվականի ԳԱԶ- 69-ով, որի ղեկին, ի դեպ, Բելառուսի նախագահն է եղել։