Ռուս ֆուտբոլիստներ Կոկորինն ու Մամաևը 2.5 մլն ռուբլի են ծախսած եղել ծեծկռտուքից առաջ

«Զենիթի» հարձակվող Ալեքսանդր Կոկորինն ու «Կրասնոդարի» կիսապաշտպան Պավել Մամաևը գիշերային ակումբում 2.5 միլիոն ռուբլու խրախճանք են կազմակերպել` նշելով իրենց ընկերության 10 տարին։ 

Այս մասին գրում է «Московский комсомолец»-ը։ 

Ըստ աղբյուրի տեղեկությունների` այդ գումարի մեջ մտնում է նաև կոտրած սպասքի արժեքը։ 

Նշվում է, որ 2.5 միլիոնը ֆուտբոլիատները ծախսել են նախքան սկանդալային ծեծկռտուքները։ Հիշեցնենք, որ հոկտեմբերի 11-ին ֆուտբոլիստները 2 ամսով ձերբակալվել են։ 

Հոկտեմբերի 8-ին նրանք միասին ծեծել էին ռուս գործարարի ու ռուսական «Առաջին Ալիք»-ի հաղորդավարուհու վարորդին, որը միջադեպից հետո գանգուղեղային վնասվածքով ու ուղեղի ցնցումով տեղափոխվել էր հիվանդանոց։