Արգենտինայի նախկին նախագահի դեմ քննությունը կշարունակվի

Արգենտինայում դատարանը երկուշաբթի որոշում է ընդունել երկրի նախկին նախագահ Քրիստինա Կիրշների եւ նրա հարազատների դեմ քննությունը շարունակելու մասին, որոնց կասկածում են փողերի լվացման մեջ, փոխանցում է «ՌԻԱ Նովոստի»-ն:

Կիրշները մայիսին արդեն կանգնել է դատարանի առաջ հյուրանոցային Hotesur ընկերության միջոցով փողերի լվացման կասկածանքով:

Nacion պորտալը հայտնում է, որ դատարանը որոշել է, որ իր՝ Կիրշների եւ նրա 2 երեխաների՝ Մասիմոյի ու Ֆլորենսիայի դեմ քննությունը շարունակելու հիմքեր կան: Նրանց կասկածում են 2007-2015 թվականներին ձեռներեց Լասարո Բաեսի միջոցով պետական աշխատանքների անցկացման ուռճացված գներից ստացած փողերի լվացման մեջ:

Միջոցներն իբր ուղարկվել են Կիրշներ ընտանիքին պատկանող հյուրանոցների հաշվեհամարներին: