Սաուդյան Արաբիայի արքայազնը Թուրքիային թույլ է տվել դեսպանատունը խուզարկել լրագրողի անհետացման պատճառով
Սաուդյան Արաբիայի գահաժառանգ արքայազն Մուհամմեդ բեն Սալման Ալ Սաուդը պատրաստ է Թուրքիայի իշխանություններին թույլ տալ խուզարկել Անկարայում սաուդյան դեսպանատունը՝ ապացուցելու համար, որ անհետացած սաուդցի լրագրող Ջամալ Հաշկաջին չի գտնվում դեսպանատան տարածքում: Նա այս մասին ասել է Bloomberg գործակալության հետ հարցազրույցում:
«Հաստատությունը սուվերեն տարածք է, բայց մենք թույլ կտանք նրանց մտնել եւ անել այն ամենն, ինչ ուզում են»,- հայտարարել է արքայազն Մուհամմեդ բեն Սալմանը: «Մենք թաքցնելու ոչինչ չունենք»,- հավելել է գահաժառանգ արքայազնը:
The Washington Post պարբերականի լրագրողը՝ Սաուդյան Արաբիայի հպատակ Ջամալ Հաշկաջին հոկտեմբերի 2-ին Ստամբուլում գնացել էր Սաուդյան Արաբիայի գլխավոր հյուպատոսարան փաստաթղթեր ձեւակերպելու: Նրա հարսնացուին չէին թույլատրել շենք մտնել, իսկ 5 ժամ հետո նրան հայտնել են, թե Ջամալն արդեն գնացել է: Ավելի ուշ նա հայտնել էր, որ այս տեղեկությանը չի հավատում եւ չգիտի, թե ներկայումս լրագրողը որտեղ է գտնվում:
Թուրքիայում Սաուդյան Արաբիայի դեսպան Վալիդ Աբդել Քարիմ ալ Հարիջին, ում Թուրքիայի ԱԳՆ էին կանչել, հայտարարել էր, թե լրագրողի գտնվելու վայրի մասին տեղեկություն չունի: Մինչդեռ Արաբական լրատվամիջոցների թուրքական ասոցիացիայի (որի անդամն էր Հաշկաջին) նախագահ Թուրան Քըլաքչըն «Դեմիրորեն» գործակալությանը հայտնել էր, որ սաուդյան կողմն իբր այլ երկրներում զբաղվել է ընդդիմադիրների առեւանգմամբ: Նրա խոսքով՝ այդպիսի միջադեպեր են եղել Շվեյցարիայում, Մեծ Բրիտանիայում եւ Ֆրանսիայում:
Հաշկաջին հայտնի է Էր Ռիադի ներկայիս քաղաքականության քննադատական արտահայտություններով: 2017 թվականին նա լքել էր հայրենիքը եւ բնակություն հաստատել ԱՄՆ-ում: Լրագրողը մշտական հիմունքներով հոդվածներ էր գրում The Washington Post-ի համար, որոնցում վերլուծում էր Սաուդյան Արաբիայի իրավիճակը եւ երկրի արտաքին քաղաքականությունը՝ լռության չմատնելով իշխանությունների գործունեության խնդրահարույց ուղղությունները եւ քննադատելով Էր Ռիադին:
Նախկինում նա եղել է սաուդյան Al-Watan պարբերականի գլխավոր խմբագիրը, ինչպես նաեւ ղեկավարել է սաուդցի բիզնեզմեններից մեկին պատկանող ու Բահրեյնում բազավորված Al-Arab հեռուստաալիքը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա