ՀՀ ներգրավվածությունը Ֆրանկոֆոնիային սիմետրիկ պատասխան է Ադրբեջանի ներգրավվածությանը իսլամական կոնֆերանսին. Ֆարմանյան
ՀՀ-ի ներգրավվածությունը Ֆրանկոֆոնիային ինչ-որ առումով սիմետրիկ պատասխան է Ադրբեջանի ներգրավվածությանը իսլամական կոնֆերանսին: Այս մասին, այսօր՝ հոկտեմբերի 5-ին, ԱԺ-ում «ՀՀ տոների եւ հիշատակի օրերի մասին» Հայաստանի Հանրապետության օրենքում լրացում կատարելու մասին» օրենքի նախագծի քննարկման ժամանակ նշեց ՀՀԿ խմբակցության պատգամավոր Սամվել Ֆարմանյանը:
Նա հարց ուղղեց հարցը ներկայացնող ԱԳ փոխնախարար Ռուբեն Ռուբինյանին՝ նշելով. «Ինչպե՞ս եք գնահատում Ֆրանկոֆոնիայի գագաթնաժողովի նախապատրաստական աշխատանքները, կա՞ն խնդիրներ, որոնք դեռեւս համարվում են մտահոգիչ: Որովհետեւ մեր երկրի համար աննախադեպ ներկայացուցչական միջոցառում է նախատեսվում Հայաստանում: Օբյեկտիվորեն մինչ օրս ներկայացվել է ներկայացուցչական կազմը, բայց հորդորում եմ նաեւ ներկայացնել այն արտաքին քաղաքական ակնկալիքները, որոնք սպասում ենք՝ արձանագրելու որպես ձեռքբերում գագաթնաժողովի արդյունքում»:
Ի պատասխան ռուբինյանը նշեց, որ նախապատրաստական աշխատանքներն ընթանում են ըստ պլանավորվածի, եւ համապատասխան գերատեսչություններն աշխատում են, որ ամեն ինչ լավ կազմակերպված լինի:
Ինչ վերաբերում է արտաքին քաղաքական կոնտեքստին, ԱԳ փոխնախարարն ասաց, որ տեղյակ են, որ ժամանելու են բազմաթիվ պետությունների ու կառավարությունների ղեկավարներ, նախարարներ, այդ թվում այնպիսի պետությունների ղեկավարներ, ինչպիսիք են Ֆրանսիան, Կանադան: «Սա յուրահատուկ հնարավորություն է ՀՀ-ի համար խթանել հարաբերություններն այնպիսի աֆրիկյան երկրների հետ, որոնց հետ կապերի հնարավորությունը բավական սահմանափակված է ,եւ այսպիսի մասշտաբի միջոցառումը միանշանակ կբարձրացնի ՀՀ-ի հեղինակությունը»,-ասաց նա:
Ֆարմանյանն էլ նկատեց, որ Հայաստանի ներգրավվածությունը Ֆրանկոֆոնիային ինքնին նպատակներից մեկն էլ եղել է որպես կամուրջ դիտարկել համագործակցության այնպիսի երկրների հետ, որոնց հետ, երբեմն, միայն ՄԱԿ-ի շրջանակներում են համագործակցում. «Բայց այդուհանդերձ գագաթնաժողովն ունենալո՞ւ է հռչակագիր, երկկողմ հարաբերությունների ձեւաչափ, իհարկե, ծանրակշիռ պետության ղեկավարի այցը կարեւոր տեղեկատվական առիթ է, բայց կարեւոր է ձեռքբերումների առումով: Մասամբ տեղյակ լինելով՝ ներկայացնել այն, ինչ սպասում ենք բովանադակային առումով: Հայաստանի ներգրավվածությունը Ֆրանկոֆոնիայի միջազգային կազմակերպությանն ինչ-որ առումով սիմետրիկ պատասխան է եղել Ադրբեջանի ներգրավվածությանը իսլամական կոնֆերանսի կազմակերպությունում դիրքորոշումների բալանսավորման տեսանկյունից»:
ԱԳ նախարարն արձագանքեց, որ սա, իսկապես, կարեւոր փուլ է մեզ համար համար՝ հաշվի առնելով նաեւ վերջերս տեղի ունեցած քաղաքական փոփոխությունները. «Սա ցույց է տալիս, որ Հակյաստանում չնայած քաղաքական փոփոխություններին, կայունությունը պահպանվել է, ՀՀ-ի պետական համակարգը գործել է անխափան, ՀՀ-ի քաղաքական համակարգը բավական կայացած է, որպեսզի այսպիսի մասշտաբի միջոցառումը տեղի ունենա եւ տեղի ունենա պատշաճ կազմակերպված»:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԱՄՆ-ի գործողությունները Հորմուզի նեղուցում փակուղի են. Արաղչի
ԵՔՀ 8-րդ գագաթնաժողովի բացման արարողությունը Երևանում. ուղիղ