Մոդրիչ. Մոսկվայում միավորների կորուստն անսպասելի էր, հանդերձարանում մթնոլորտը լարված է

Մադրիդի «Ռեալի» խորվաթ կիսապաշտպան Լուկա Մոդրիչը խոստովանել է, որ շոկային է եղել Մոսկվայում ԲԿՄԱ-ից կրած պարտությունը: Չեմպիոնների լիգայի երկրորդ տուրում Արքայական թիմը պարտություն է կրել նվազագույն հաշվով:

«Մենք նյարդայնացած ենք: Չէինք սպասում միավոր կորցնել այս խաղում եւ մթնոլորտը հանդերձարանում այժմ լարված է, լավագույններից չէ: Նախորդ երեք խաղերում մենք մեր մակարդակի վրա չխաղացինք: Բայց մենք կգտնենք լուծում եւ կհաղթահարենք այս իրավիճակը: Պետք է հավաքվել եւ լինել ավելի դրական:

ԲԿՄԱ-ի դեմ մեկնարկային կազմում չէի, քանի որ մարզիչը հանգստանալու հնարավորություն էր տվել 3-4 անընդմեջ հանդիպումից հետո: Ընթացքում Լոպետեգին ստիպված էր ինձ դուրս բերել փոխարինման, քանի որ ֆուտբոլում հնարավոր չէ ամեն ինչ կանխատեսել: Մենք ունեինք պահեր, բայց չկարողացանք իրացնել»,- Մոդրիչի խոսքը մեջբերում է «Ռեալի» մամուլի ծառայությունը:

G խմբում ԲԿՄԱ-ն 4 միավորով գլխավորեց մրցաշարային աղյուսակը: «Ռեալն» ու «Ռոման» ունեն 3-ական միավոր: «Վիկտորիա Պլզենը» 1 միավորով վերջինն է: