Անգլիայի հավաքականի նախկին հարձակվողը ֆուտբոլային անեկդոտների գրքի հեղինակ

«Սթոք Սիթիի» հարձակվող Պիտեր Կրաուչը գիրք է թողարկել «Ինչպես լինել ֆուտբոլիստ» վերնագրով:

 Գրքի համառոտ բնութագրման մեջ ասվում է. «Ծիծաղելի անեկդոտներ անգլիացի պրոֆեսիոնալ ֆուտբոլիստից»:

 Հատկանշական է, որ թողարկումից անմիջապես հետո գիրքը մեծ մասսայականություն է ստացել և ընդամենը մեկ շաբաթ անց վաճառքի քանակով երկրորդ տեղն է զբաղեցրել. արդեն իսկ վաճառվել է գրքի ավելի քան 4330 օրինակ:

 «Երկրորդը Sunday Times-ի բեսթսելերների ցուցակում: Շնորհակալ եմ աջակցության համար, բայց 4000 օրինակը ես եմ գնել»,- կատակել է Կրաուչը «Թվիթերում»:

Հիշեցնենք` անգլիացի հարձակվողը Չեմպիոնշիփի ընթացիկ մրցաշրջանում 7 հանդիպման է մասնակցել «Սթոք Սիթիի» կազմում, որոնցում մեկ գոլի հեղինակ է դարձել:

2005-ից 2010 թվականներին նա Անգլիայի հավաքականի կազմում 42 հանդիպման է մասնակցել և դարձել 22 գոլի հեղինակ` մասնակցելով ԱԱ-2006-ին և ԱԱ-2010-ին:

Вот как беспардонные россиянки отдыхают в Турции

Шокирующее пост