Սերենա Ուիլյամսին տուգանել են $17 000-ով US Open-ի եզրափակչում կանոնները խախտելու և մրցավարին վիրավորելու համար

Ամերիկացի թենիսիստուհի Սերենա Ուիլյամսին տուգանել են ընդհանուր առմամբ 17 000 դոլարի չափով ԱՄՆ-ում անցկացվող բաց առաջնության եզրափակչում 3 անգամ կանոնները խախտելու համար:

Այս մասին գրում է РИА Новости-ն՝ հիշեցնելով, որ Ուիլյամսը US Open-ի եզրափակչում 2:6, 4:6 հաշվով զիջել է ճապոնուհի Նաոմի Օսակային: Դատավոր Կառլոս Ռամոսը կանոնների 3 խախտման համար Ուիլյամսին տուգանել է՝ խաղակեսն ավարտելով մրցակցուհու օգտին: Վերոնշյալ խախտումներն էին մարզիչի հուշումը, կոտրված ռակետը և մրցավարին վիրավորելը: Արդյունքում ամերիկուհին Ռամոսին սեքսիզմի մեջ է մեղադրել:

Ուիլյամսին 10 000 դոլարով տուգանել են մրցավար Ռամոսին վիրավորելու համար, ինչպես նաև 4 000 դոլարով՝ մարզիչի հուշումների և 3000 դոլարով՝ կոտրված թենիսի ռակետի համար: