Մեր հարսը դուրս եկավ կիսաեզրափակիչ

Աշխարհի առաջին ռակետ Ռաֆայել Նադալը նվաճեց թենիսի ԱՄՆ-ի բաց առաջնության կիսաեզրափակիչի ուղեգիր:

5-րդ շրջանում իսպանացի թենիսիստը 5 սեթում դժվարին հաղթանակ տարավ ավստրիացի Դոմինիկ Տիմի նկատմամբ՝ 0:6, 6:4, 7:5, 6:7, 7:6: Մրցախաղը տեւեց 4 ժամ 49 րոպե:

Կիսաեզրափակիչում Նադալի մրցակիցը կլինի արգենտինացի Խուան Մարտին դել Պոտրոն, որը 4 սեթում ուժեղ գտնվեց ամերիկացի Ջոն Իզներից՝ 6:7, 6:3, 7:6, 6:2:

Կանանց պայքարում քառորդ եզրափակիչի արգելքը հաղթահարել է աշխարհի նախկին առաջին ռակետ Սերենա Ուիլյամսը, որը 1 ժամ 25 րոպեում հաղթեց չեխ Կարոլինա Պլիշկովային՝ 6:4, 6:3: Եզրափակիչի ուղեգիրն ամերիկացի թենիսիստուհին կվիճարկի լատվիացի Անաստասիա Սեւաստովայի հետ: