Ըստ տեղական իրավապաշտպան խմբի՝ Ադրբեջանում 130 քաղբանտարկյալ կա

Ադրբեջանում քաղբանտարկյալների ցուցակը կազմող աշխատանքային խումբը սեպտեմբերի 1-ին հրապարակել է հերթական զեկույցը, որի համաձայն՝ ներկա պահին Ադրբեջանում 130 քաղբանտարկյալ կա: Նրանց թվում են լրագրողներ, բլոգերներ, քաղաքական ու քաղաքացիական ակտիվիստներ, պետական նախկին պաշտոնյաներ, արվեստագետներ, կրոնական հայացքների համար դատապարտվածներ:

Աշխատանքային խումբը կազմված է իրավապաշտպանների, ակտիվիստների ու մասնագետ իրավաբանների ներկայացուցիչներից։ Նրանց նախորդ զեկույցը հրապարակվել էր անցած մարտին:

Երեկ նրանք նաև նշել են, որ 2017-ի վերջերից իշխանությունների կողմից ճնշումների են ենթարկվում իրենց հետ համագործակցող փաստաբանները:

Պաշտոնական Բաքվի պնդմամբ՝ Ադրբեջանում քաղբանտարկյալներ չկան:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»