Սարին մեղմացրել է Կոնտեի դիետան և Չելսիի ֆուտբոլիստներին թույլ է տվել խաղերից առաջ գիշերել տանը

«Չելսիի» գլխավոր մարզիչ Մաուրիցիո Սարիոն որոշ փոփոխություններ է մտցրել ակուբային կանոնների մեջ, որոնք սահմանել էր թիմի նախկին գլխավոր մարզիչ Անտոնիո Կոնտեն:

 Այս մասին հայտնում է «The Telegraph»-ը:

 Այժմ, լոնդոնյան ակումբի ֆուտբոլիստներին թույլատրվում է խաղերից առաջ գիշերել տանը, մինչդեռ նախկինում թիմը խաղի նախորդ երեկոն անցկացնում էր հյուրանոցում, ինչը ֆուտբոլիստներին բոլորովին դուր չէր գալիս:

 Բացի դա, Սարին չեղարկել է Կոնտեի խիստ դիետան, և ֆուտբոլիստներին թույլ է տվել բազմազանություն մտցնել իրենց սննդակարգերում:

 Սարին, հիշեցնենք, հուլիսի կեսերին է գլխավորել «Չելսին»: 2015-ից 2018 թվականներին նա նույն պաշտոնը զբաղեցնում էր «Նապոլիում»: Անգլիայի առաջնության առաջին տուրում «Չելսին» 3:0 հաշվով հաղթել է «Հադերսֆիլդ Թաունին: Օգոստոսի 18-ին իտալացի մասնագետի սաները սեփական հարկի տակ կընդունեն Լոնդոնի «Արսենալին»: