Իրանի ռազմածովային զորավարժությունները ուղերձ են ԱՄՆ-ին․ ամերիկացի գեներալ

Հորմուզի նեղուցի շուրջ իրանական տասնյակ փոքր նավերով զորավարժությունները ուղերձ են Միացյալ Նահանգներին՝ վերանայելու Թեհրանի նկատմամբ տնտեսական պատժամիջոցները: Այս մասին հայտարարել է Միացյալ Նահանգների կենտրոնական հրամանատարության ղեկավար գեներալ Ջոզեֆ Վոթելը:

Նա ընդգծել է, որ Իրանն այդպիսով ցույց է տալիս իր ռազմական հնարավորությունները՝ պայմանավորված նաև Իսլամական հեղափոխության պահապանների կորպուսի վերջին սպառնալիքներով:

«Մենք հասկանում ենք, թե ինչ է տեղի ունենում, և պատրաստ ենք պաշտպանել մեզ», - ասել է ամերիկացի բարձրաստիճան զինվորականը:

Վոթելը մեղադրել է Իրանին տարածաշրջան անկայունություն մտցնելու փորձերի մեջ:

Շաբաթասկզբին Միացյալ Նահանգները վերականգնեց Իրանի նկատմամբ պատժամիջոցները, որոնք սառեցվել էին 2015 թվականին Իրանի և գերտերությունների միջև կնքված միջուկային գործարքի շրջանակում: Թեհրանի հետ միջուկային համաձայնագրից Վաշինգտոնը դուրս է եկել երեք ամիս առաջ:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը