Թուրքական լիրան շարունակում է արժեզրկվել
Թուրքական լիրան կրկին արժեզրկվել է: Թուրք-ամերիկյան հարաբերությունների վատթարացումն ազդում է թուրքական տնտեսության վրա
Թուրքական արժույթի՝ լիրայի արժեզրկումը դոլարի նկատմամբ հասել է ռեկորդային մակարդակի: Դրան նախորդել էր նախագահ Թրամփի վարչակազմի հայտարարությունը, որ այն այժմ վերանայում է Թուրքիայի՝ առանց սակագներ վճարելու ամերիկյան շուկա մուտք ունենալու հնարավորությունը: Այս վերանայումը կարող է ազդել ավելի քան 1,6 միլիարդ դոլարի համարժեք ներմուծվող ապրանքների վրա:
Այս իրավիճակն անհանգստություն է առաջացրել Թուրքիայի քաղաքացիների շրջանում:
«Ես վճարում եմ 700 թուրքական լիրա կամ 135 ԱՄՆ դոլար վարձակալության համար: Իմ թոշակը մոտ 320 դոլար է: Վարձակալության վճարը տալուց հետո դա ինձ չի բավարարի ապրուստի համար, ուրեմն պետք է հավելյալ աշխատել»,- ասում է Ալի Ուզունը:
Թուրքական լիրան արժեզրկվել է այս տարի արդեն 27 տոկոսով: Իրավիճակը մտահոգում է իշխանություններին, որոնք փորձում են վերահսկել այն դրամավարկային գործիքների միջոցով: Սակայն երկուշաբթի օրը թուրքական լիրան կրկին արժեզրկվեց 2 տոկոսով, որի արդյունքում հայտնվեց ռեկորդային ցածր մակարդակի վրա դոլարի հանդեպ:
Թուրքիայի ու ԱՄՆ-ի միջև հարաբերությունները վերապրում են դժվար ժամանակաշրջան՝ կապված Սիրիայի և ամերիկացի բողոքական հոգևորական Էնդրյու Բրանսոնի հարցերում միմյանց միջեւ առկա տարաձայնությունների հետ:
Հարաբերությունների վատթարացումն իր ազդեցությունն է թողնում թուրքական արժույթի վրա:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա