Պետրոս Ավետիսյանը և Անդրեյ Տալալաևը՝ «Մաքաբիի» դեմ հանդիպման մասին
Երևանի «Փյունիկի» գլխավոր մարզիչ Անդրեյ Տալալաևը և կիսապաշտպան Պետրոս Ավետիսյանը խոսել են Եվրոպայի Լիգայի որակավորման երրորդ փուլում կայանալիք Իսրայելի «Մաքաբիի» դեմ խաղի մասին։
Պետրոս Ավետիսյան․ «Ցավում եմ, որ չեմ կարող մասնակցել առաջիկա խաղին։ Երևի էմոցինաներն էին պատճառը, որ կարմիր քարտ ստացա։ Այն կարիերայիս առաջին կարմիր քարտն էր։ Բայց մենք արդեն երրորդ փուլում ենք և պատրաստվում ենք առաջիկա խաղերին։ Թիմում լավ մթնոլորտ է։ Գիտենք, որ ծանր հանդիպում է սպասվելու, բայց հաղթանակը իրատեսական է։ Թիմն անմնացորդ նվիրումով է դուրս գալու խաղադաշտ։ Բոլոր մարզիչներն էլ տարբերվում են։ Եկել է նոր մարզիչ է և իր հետ բերել է նորություն։ Մեր նոր մարզչի հետ մեծ աշխատանք ենք կատարել։ Հավաք ենք անցկացրել Մինսկում։ Արդյունքը տեսնում եք։ Մենք երրորդ փուլում ենք և կփորձենք հաղթել նաև այս փուլում»։
Անդրեյ Տալալաև․ «Մեզ ամեն փուլում ավելի ուժեղ մրցակից է բաժին հասնում։ Առաջին փուլում մեզ բաժին հասավ «Վարդարը», որը ունի անհատապես լավ զարգացած ֆուտբոլիստներ, սակայն թիմային խաղը նրանց մոտ կաղում էր։ «Տոբոլի» մոտ հակառակն էր։ Իսկ «Մաքաբիում» կան անհատապես լավ զարգացած ֆուտբոլիստներ և թիմային խաղ։ Նրանք նաև մեծ փորձ ունեն եվրագավաթներում։ Բյուջեի մասին չխոսեմ։ Առավելություններից կարող եմ նշել նաև մարզչին։ Մենք ծանոթ չենք, բայց ընդհանուր ընկերներ ունենք։ Նա իր նախորդ թիմերի հետ հասել է մեծ հաջողությունների և հիմա էլ նույնը անում է «Մաքաբիի » հետ։ Մենք հարգում ենք մրցակցին։ Ինչպես Պետրոսն ասաց՝ մենք ոչ ոքից չենք վախենում»։
Հիշեցնենք, որ «Փյունիկի» ու «Մաքաբիի» միջեւ առաջին հանդիպումը տեղի կունենա օգոստոսի 7-ին Երեւանի «Հանրապետական» ստադիոնում, իսկ պատասխան խաղը՝ օգոստոսի 16-ին Իսրայելում:
Եվրոպայի լիգայի որակավորման առաջին փուլում «Փյունիկը» հաղթել էր մակեդոնական «Վարդարին», իսկ երկրորդ փուլում հաղթահարեց ղազախական «Տոբոլի» արգելքը:
Նախկինում հայկական ակումբներին երբեք չէր հաջողվել դուրս գալ եվրագավաթների մրցաշարի որակավորման երրորդ փուլ:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԱՄՆ-ի գործողությունները Հորմուզի նեղուցում փակուղի են. Արաղչի
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ