Առաջին տուրում շատ քիչ գոլ խփվեց

Մեկնարկեց ֆուտբոլի Հայաստանի հերթական առաջնությունը, որին այս անգամ մասնակցում է ինը թիմ: Առաջին տուրում, հասկանալի պատճառներով, հետաձգվել էր «Փյունիկի» հանդիպումը:

«Լոռի»-«Արարատ Արմենիա» խաղն ավարտվեց հյուրերի հաղթանակով՝ 2:0 հաշվով: «Արարատ»-«Ալաշկերտ» խաղում, որը կայացավ «Նաիրի» մարզադաշտում, հաղթեցին Հայաստանի գործող չեմպիոնները:

Առաջին տուրի խաղային առաջին օրը միմյանց հետ մրցեցին Երևանի «Բանանցը» և Գյումրու «Շիրակը»: Հանդիպումը կայացավ երևանյան ակումբի հարկի տակ:

Առաջին խաղակեսում հիմնականում հավասար պայքար ծավալվեց: Երկու թիմերն էլ փորձում էին առջևի գծում ակտիվ լինել, սակայն գոլային իրական պահեր այդպես էլ չստեղծվեց:

Երկրորդ խաղակեսում «Բանանցը» սկսեց ավելի ակտիվ գործել: Երկու անգամ գոլային լավ հնարավորություն ուներ Ստանոևիչը, սակայն հյուրերի դարպասապահ Երմակովը վստահ էր գործում: Խաղավերջում էլ Ոսկանյանի թիմը հիանալի պահ ունեցավ, սակայն Պետրոսյանը վրիպեց անչափ նպաստավոր դիրքից:

Հանդիպումն այդպես էլ ավարտվեց՝ 0:0 հաշվով:

Այս տուրում ազատ էր «Արցախը», իսկ «Փյունիկ»-«Գանձասար Կապան» խաղը հետաձգվել է:  

1 Արարատ-Արմենիա    1  3
2 Ալաշկերտ                  1  3
3 Բանանց                    1  1
4 Շիրակ                       1  1
5 Արցախ                      0  0
6 Գանձասար-Կապան   0  0
7 Փյունիկ                     0  0
8 Արարատ Երեւան       0  0
9 Լոռի                          1  0