Հենրիխ Մխիթարյան. «Արսենալում» ինձ ավելի շատ է դուր գալիս, քան «Մանչեսթեր Յունայթեդում» էր
Հայաստանի հավաքականի կիսապաշտպան Հենրիխ Մխիթարյանը պատմել է, որ իրեն ավելի լավ է զգում Լոնդոնի «Արսենալում», քան իր նախորդ ակումբ «Մանչեսթեր Յունայթեդում»: 29-ամյա ֆուտբոլիստը խոսել է նաեւ լոնդոնյան ակումբի նորանշանակ գլխավոր մարզիչ Ունաի Էմերիի մասին:
«Կյանքում պետք է պատրաստ լինենք ցանկացած իրավիճակի: Ես դժվար պահեր եմ ունեցել կարիերայում, սակայն միշտ փորձել եմ թողնել դրանք անցյալում: Հնարավոր է, որ ինչ-որ բան չստացվեց այնպես, ինչպես ցանկանում էի, սակայն կյանքը շարունակվում է:
«Արսենալը» միշտ խաղացել է ինտենսիվ ֆուտբոլ, իսկ Ժոզե Մոուրինյոյի գլխավորած թիմերն այլ կերպ են խաղում: Չեմ ցանկանում քննադատել որեւէ մեկին, դրանք տարբեր փիլիսոփայություններ են:
Պարզապես ցանկանում եմ ասել, որ «Արսենալում» ինձ ավելի շատ է դուր գալիս, քան «Մանչեսթեր Յունայթեդում» էր: Այստեղ այլ փիլիսոփայություն ու խաղաոճ է, եւ ակումբը եւս այլ է:
Ես գաղափար չունեի, որ «Արսենալում» լինելու է մարզչական փոփոխություն: Ֆուտբոլում ամեն բան շատ արագ է փոխվում, եւ դու չգիտես, թե ինչ կարող է տեղի ունենալ վաղը: Երբ եկա այս ակումբ, զգացի թիմի ջերմությունը: Սա նման է ընտանիքի, որտեղ բոլորը հոգ են տանում քո մասին: Ցավալի է տեսնել, որ Արսեն Վենգերը հեռանում է թիմից, սակայն սա ֆուտբոլ է եւ պետք է շարժվել առաջ:
«Արսենալը» գիտեր, թե ում է հրավիրում Ունաի Էմերիի դեպքում: Նրանք գիտեին, որ Էմերին խաղալու է հարձակողական ֆուտբոլ, այդ պատճառով հրավիրեցին նրան:
Ես երկրորդ անգամ եմ Սինգապուրում: Սա իմ առաջին նախամրցաշրջանային պաստրաստությունն է «Արսենալի» կազմում, ինչի համար շատ ուրախ եմ: Սա լավ մրցաշրջան է լինելու «Արսենալի» համար»,- Մխիթարյանի խոսքը մեջբերում է Daily Mail-ը:
Հիշեցնենք, որ այս օրերին «Արսենալը» հավաք է անցկացնում Սինգապուրում, որտեղ հուլիսի 26-ին՝ Երեւանի ժամանակով 15:30-ին, ընկերական հանդիպում կանցկացնի Մադրիդի «Աթլետիկոյի» հետ, իսկ հուլիսի 28-ին կմրցի ֆրանսիական ՊՍԺ-ի հետ:


















































Հենրիխ Մխիթարյանը գոլը «Ռոմայի» կազմում
Մխիթարյանը՝ Ռայոլայի մասին․ Նա միշտ ձգտում է, որ իր խաղացողներն իրենց զգան երջանիկ
Նոր խաղակոշիկներ վերադարձի համար. Հենրիխ Մխիթարյանը նոր լուսանկար է հրապարակել
Ռոմայում Մխիթարյանի մնալու համար հետաքրքիր սցենար են մշակել
Ո՞ւմ նկարն է Հենրիխ Մխիթարյանի հեռախոսի էկրանին
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԱՄՆ-ի գործողությունները Հորմուզի նեղուցում փակուղի են. Արաղչի
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ