«Ալաշկերտը» հոգնեց յուրաքանչյուր խաղակեսի վերջում

Ֆուտբոլի Չեմպիոնների լիգայի որակավորման առաջին փուլում Հայաստանի չեմպիոն «Ալաշկերտն» ընդունեց շոտլանդական «Սելթիկին» եւ պարտվեց 3:0 հաշվով:

Առաջին խաղակեսի վերջում «Սելթիկին» հաջողվեց գոլ խփել, երբ ոչ մի իրական վտանգ չկար:

Երկրորդ խաղակեսի վերջում էլ շոտլանդական թիմը երկու գոլ խփեց, օգտվելով հայաստանյան թիմի հոգնածությունից:

Խաղի ընթացքում «Ալաշկերտը» վատ տպավորություն չթողեց, նույնիսկ վտանգավոր պահեր ունեցավ, ինչը չես ասի «Սելթիկի» մասին, բայց ֆիզիկապես հայաստանյան թիմի ֆուտբոլիստներն ավելի թույլ գտնվեցին, ինչից եւ վարպետորեն օգտվեցին շոտլանդացիները:

Top-News.am