Էռնեկյանի կողմից ԱԳՆ նախկին շենքում բիզնես կենտրոն կկառուցվի
Հայաստանում կատարված փոփոխությունները եւ դրա հետ առաջ եկած սպասելիքները կազդեն նաեւ արգենտինահայերի վրա։ Այս մասին այսօր՝ հուլիսի 9-ին Արգենտինայի անկախության օրվան նվիրված մամուլի ասուլիսի ժամանակ հայտարարեց Հայաստանում Արգենտինայի արտակարգ եւ լիազոր դեսպան` Ն.Գ. պարոն Գոնզալո Ուրրիոլաբեիտիան։
Նրա խոսքով, թավշյա հեղափոխությունը Հայաստանում «վիրտուոզ» կերպով իրականացվեց. «Այն, ինչ կատարվեց Հայաստանում, հասարակական, հանրային, տնտեսական, քաղաքական պահանջի արտահայտումն էր, որը բավականին վիրտուոզ կերպով իրականացվեց, քանի որ ամեն ինչ կատարվեց խաղաղ ցույցերի միջոցով։ Յուրաքանչյուր փոփոխություն իր հետ սպասելիքներ է բերում եւ այդ փոփոխությունները, այդ սպասումները զգալու պատրաստակամությունը ազդելու է այն արգենտինացիների վրա, որոնք հայկական ծագում ունեն։ Այն հայերը, ովքեր ժամանակին հաստատվել է Արգենտինայում, այսօր սերտ կապեր են պահպանում Հայաստանի հետ, ավելին այդ կապերը միայն էմոցիոնալ չեն, այլ նրանք ներդրումներ են կատարում Հայաստանում, այդպիսով նպաստելով Հայաստանի զարգացմանը»։
Դեսպանը հույս հայտնեց, որ այսուհետ Հայաստանում արգենտինացիները ավելի մեծ թափով ներդրումներ կանեն. «Հույս ունենք, որ այդ պատրաստակամությունը շատ ավելի ակտիվ կլինի։ Հայաստանում փոփոխություններից հետո սպասվում է, որ որակական ավելի նշանակալի թռիչք կապահովվի Արգենտինայի հայ համայնքի կողմից Հայաստանում ավելի լայնածավալ գործունեություն իրականացնելու համար»։
ՀՀ–ում Արգենտինայի դեսպանը շեշտեց, որ ակտիվորեն զարգանում են հայ–արգենտինական տնտեսական հարաբերությունները, ավելանում են ներդրումները. «Հայաստանում կատարվող ներդրումները բավականին մեծ ծավալ ունեն։ Արդեն իսկ գոյություն ունեցող ներդրումների կողքին կան նոր ծրագրեր, ինչպես, օրինակ, գործարար Էդուարդո Էռնեկյանի կողմից ՀՀ ԱԳՆ նախկին շենքում բիզնես կենտրոնի կառուցման նախագիծն է։ Ներդրումների մեկ այլ ուղղություն արգենտինահայերի կողմից Տավուշում ջերմոցների ներդրումներն են, գրեթե 120 ջերմոցներ են այնտեղ արդեն կառուցվել։ Կա մեկ այլ միտում, որ արգենտինահայերի նվիրատվությունները դառնան ներդրումներ, այդպիսով ավելի փոխշահավետ դառնալով»։
Երկկողմ առեւտրաշրջանառությունը, նրա խոսքով, 1998 թվականի զրոյական ցուցանիշից հիմա հասել է 8 մլն դոլարի։ «Սակայն, երկկողմ առեւտրի ոլորտում երկու երկրները բախվում են մի շարք դժվարությունների, քանի որ աշխարհագրորեն հեռու են, այստեղ ավելի ստեղծարարություն է պահանջվում, բացի այդ Հայաստանը ծով ելք չունի, ավելին հայկական շուկան փոքր է, ուստի շեշտը դրվում է լոգիստիկ առումով ավելի հեշտ արտահանվող ապրանքների վրա։ Այս պահին հիմնականում աշխատանք է տարվում ոչ մեծ գյուղատնտեսական ապրանքների եւ աուդիո սարքավորումների արտահանման վրա»,–նկատեց դեսպանը։
Խոսելով Արգենտինայի շուկայի համար հետաքրքրիր հայկական հայկական արտադրանքից՝ նա նշեց հայկական գինիներն ու ՏՏ ոլորտը:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...