Թուրքիայում ընդդիմության հանրահավաքի ժամանակ Էրդողանին հայհոյած քաղաքացիները ձերբակալվել են
Թուրքիայի՝ մեծությամբ երրորդ քաղաք Իզմիրում ձերբակալվել է 4 քաղաքացի։ Նրանք հունիսի 24-ին կայացած ընտրություններից առաջ քաղաքում ընդդիմության հանրահավաքի ժամանակ հայհոյել էին նախագահ Ռեջեփ Թայիփ Էրդողանին, գրում է թուրքական «Ջումհուրիյեթ» պարբերականը։
Էրդողանին ուղղված հայհոյանքները հայտնվել էին համացանցում այն բանից հետո, երբ հանրահավաքի անցկացման վայրի մոտակայքում անհայտ անձը տեսանկարահանել էր տվյալ քաղաքացիներին ու ներբեռնել տեսանյութը համացանցում։ Տեսանյութում երևացած քաղաքացիներից 4-ը գտնվել և ձերբակալվել են, Էրդողանին հայհոյած մի քանի անձ էլ գտնվում է հետախուզման մեջ։
Հիշեցնենք, որ Թուրքիայի ընդդիմադիր Ժողովրդահանրապետական կուսակցությունից նախագահի թեկնածու առաջադրված Մուհարրեմ Ինջեի՝ Իզմիրում կազմակերպված հանրահավաքին մասնակցել էր շուրջ 3 մլն մարդ։ Բազմաթիվ լրատվամիջոցներ այն անվանել էին պատմական ու ռեկորդ համարել։
Այս տարվա հունվարին Լրագրողների պաշտպանության միջազգային կոմիտեն (CPJ) Թուրքիայի նախագահ Ռեջեփ Թայիփ Էրդողանին շնորհել է «ամենանեղացկոտ» առաջնորդի կոչումը։ Նման ընտրության հիմք է ծառայել Թուրքիայում քրեական օրենսգրքի այն հոդվածը, որը պատիժ է նախատեսում երկրի նախագահին կամ «թրքությունը» վիրավորելու համար:
Հայտնի է, որ 2017 թվականին տվյալ հոդվածով Թուրքիայում քննվել է 46.193 դատական գործ:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը