Արգենտինացի մեկնաբանը չի կարողացել զսպել էմոցիաները Մարկոս Ռոխոյի հաղթական գոլից հետո (տեսանյութ)

Արգենտինացի ֆուտբոլային մեկնաբան Պաբլո Հիրալտը «Թվիթերում» հրապարակել է ազգային թիմի պաշտպան Մարկոս Ռոխոյի` Նիգերիայի հետ խաղում հաղթական գոլին իր արձագանքի տեսանյութը:

 Հանդիպումը կայացել է երեկ` հունիսի 26-ին, Սանկտ-Պետերբուրգում` ԱԱ-2018-ի խմբային փուլի երրորդ տուրի շրջանակում:

 Հանդիպման վերջնամասում` 86-րդ րոպեին, Ռոխոն գնդակն ուղարկել է Նիգերիայի դարպասը` ձևակերպելով խաղի վերջնահաշիվը (2:1):

 Այս հաղթանակի շնորհիվ Արգենտինան կարողացել է դուրս գալ աշխարհի առաջնության փլեյ-օֆֆ: 1/8 եզրափակչում արգենտինացիները կմրցեն Ֆրանսիայի հետ:

 Մունդիալի առաջին երկու խաղերում Արգենտինայի հավաքականն ընդամենը 1 միավոր էր վաստակել` ոչ-ոքի խաղալով Իսլանդիայի հետ (1:1) և ջախջախիչ պարտություն կրելով Խորվաթիայից (0:3):