«Առաջիկա խաղին իմ տրամադրության տակ 18 ֆուտբոլիստ կա». Յոահիմ Լյով

Ֆուտբոլի աշխարհի գործող չեմպիոն Գերմանիայի հավաքականի գլխավոր մարզիչ Յոահիմ Լյովը լրագրողների հետ հանդիպման ժամանակ խոսել է աշխարհի առաջնության խմբային փուլի Հարավային Կորեայի ընտրանու հետ վերջին խաղի մասին.

«Առաջիկա հանդիպմանն իմ տրամադրության տակ 18 ֆուտբոլիստ կա: Ռուդին խաղը բաց կթողնի, քանի որ անցած հանդիպմանը քթի վնասվածք է ստացել եւ դեռ չի ապաքինվել, իսկ Ժերոմ Բոատենգն որակազրկված է: Մնացած ֆուտբոլիստները հայտացուցակում են եւ տրամադրված են հաղթանակի:

Ինչ վերաբերում է Թոմաս Մյուլերին, ապա նա շատ ինքնաքննադատ է եւ անհաջող խաղերից հետո ավելի շատ է սկսում աշխատել մարզումներին, որպեսզի բարելավի իր խաղը: Նա մնում է մեր առանցքային ֆուտբոլիստներից մեկը», – ասել է անվանի մասնագետը:

Յոահիմ Լյովը խոսել է նաեւ տեսակրկնությունների նոր համակարգի մասին, որն առաջին անգամ օգտագործվում է աշխարհի առաջնության խաղերին:

«Ես կողմ եմ այդ համակարգին: Աշխարհի առաջնության ժամանակ այն շատ գրագետ են օգտագործում: Իհարկե, վերջնական որոշում կայացնում է խաղադաշտում գտնվող գլխավոր մրցավարը, սակայն երբ վիճելի պահ է առաջանում, նա այդ դրվագը ճիշտ գնահատելու հնարավորություն է ստանում», – նշել է Յոահիմ Լյովը:

Հավելենք, որ Գերմանիա – Հարավային Կորեա խաղը տեղի կունենա այսօր, ժամը 18:00-ին: Հաջորդ փուլ մտնելու համար գերմանացի ֆուտբոլիստները պետք է անպայման հաղթանակ տանեն:

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով