Սալահը ներողություն է խնդրել Եգիպտոսի հավաքականի երկրպագուներից

Եգիպտոսի հավաքականի հարձակվող Մուհամեդ Սալահը ներողություն է խնդրել ազգային թիմի երկրպագուներից ԱԱ-2018-ում թիմի ելույթների համար:

 Եգիպտոսի հավաքականը, հիշեցնենք, A Խմբում երեք պարտություն է կրել և դուրս մնացել հետագա պայքարից.

«Ցանկանում եմ ներողություն խնդրել եգիպտացի բոլոր երկրպագուներից, ովքեր եկել էին այստեղ` խմբային փուլի այս երեք խաղերում մեզ աջակցելու:

Գիտեմ, որ հիմա նրանց, ինչպես և մեզ համար, շատ դժվար է:

 Պարզապես ցանկանում եմ ասել, որ Եգիպտոսի հավաքականը 28 տարվա ընդմիջումից հետո հայտնվել էր աշխարհի առաջնության եզրափակիչ փուլերում: Հավաքականի որոշ ֆուտբոլիստները չունեն համապատասխան փորձ:

 Շնորհակալություն բոլորին, մենք կվերադառնանք 2022 թվականին»,- Սալահի խոսքերն է փոխանցում «The Independent»-ը:

 Հիշեցնենք` ավելի վաղ շշուկներ էին պտտվում, թե Սալահը կարող է ավարտել միջազգային կարիերան: