Շվեդիայի հավաքականի մարզչին զայրացրել է Գերմանիայի հավաքականի արձագանքը հաղթանակին

Շվեդիայի հավաքականի գլխավոր մարզիչ Յանե Անդերսոնը ԱԱ-2018-ի խմբային փուլի երկրորդ տուրում Գերմանիայից կրած պարտությունից հետո (1:2) իր դժգոհությունն է հայտնել այն բանից, որ գերմանացիները չափազանց բուռն են տոնել հաղթանակը, որին հասել էին 95-րդ րոպեին խփած գոլի շնորհիվ.

 «Ինձ դուր չեկան գերմանական շտաբի ժեստերը: Ես զայրացա` տեսնելով նրանց արձագանքը խաղի վերջում:

 Երբ խաղն ավարտվում է, պետք է պարզապես սեղմել միմյանց ձեռքերն ու հեռանալ»,- ասել է մասնագետը մամուլի ասուլիսի ժամանակ:

 ԱԱ-2018-ի խմբային փուլի վերջին տուրում Շվեդիան հունիսի 27-ին կխաղա Մեքսիկայի հետ, իսկ Գերմանիան նույնը օրը կմրցի Հարավային Կորեայի հետ:

 Ի դեպ, գերմանացիներն արդեն հասցրել են ներողություն խնդրել շվեդներից: Գերմանացիներն ընդունել են իրենց սխալը եւ ներողություն խնդրել շվեդներից եւ նրանց գլխավոր մարզչից:

Top-News.am

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով