Ռոնալդու. Մորուքս կպահեմ մինչև ԱԱ-2018-ի ավարտը. այն հաջողություն է բերում

Պորտուգալիայի հավաքականի հարձակվող Կրիշտիանու Ռոնալդուն կարծում է, որ իր մորուքը հաջողություն է բերում թիմին աշխարհի 2018 թվականի առաջնության ժամանակ.

 «Իմ մորու՞քը. դա կատակ էր Իսպանիայի հետ խաղից առաջ:

 Հավաքականում իմ թիմակիցներին ասել էի, որ եթե գոլ խփեմ իսպանացիներին, կպահեմ այն: Բախտս բերեց, գոլ խփեցի, գոլ խփեցի նաև այսօր՝ Մարոկկոյի հետ խաղում:

 Մորուքս կպահեմ մինչև ԱԱ-2018-ի ավարտը, քանի որ այն հաջողություն է բերում»,- Ռոնալդուի խոսքերն է փոխանցում «A Bola»-ն:

 Հիշեցնենք՝ Ռոնալդուի գոլը հաղթանակ է պարգևել Պորտուգալիային ԱԱ-2018-ի խմբային փուլի երկրորդ տուրի՝ Մարոկկոյի հետ խաղում (1:0):

 Հարձակվողի ակտիվում արդեն 4 գոլ կա Մունդիալում. ավելի վաղ Ռոնալդուն հեթ-տրիկ էր ձևակերպել Իսպանիայի հետ առաջին խաղում (3:3):

 Պորտուգալացին ԱԱ-2018-ի ռմբարկուների ցանկի միանձնյա առաջատարն է:

Այս թեմայով Խորվաթիայի նախագահը ԱԱ-2018-ի, ուշացած անձրևանոցի ու իր փչացած սանրվածքի մասին Ֆրանսիայում դիմավորել են աշխարհի չեմպիոններին (Լուսանկարներ) Ֆրանսիան ցնծում է, Խորվաթիան տխրում Դեշանը՝ չեմպիոն-խաղացող և չեմպիոն-մարզիչ Աշխարհի առաջնության եզրափակիչը լուսանկարներով