Google-ը կսկսի բիթքոինի գովազդի արգելափակումը՝ իր թոքենի առաջմղման համար
Google-ը սեփական կրիպտոարժույթի գերծարկումն առաջ է մղում իր հարթակում բիթքոինի եւ այլ թվային փողի արգելման միջոցով, հայտնում է The Independent-ը: Կորպորացիան ավելի վաղ հրապարակայնացրել էր բլոքչեյն տեխնոլոգիայի հիման վրա իր թոքենի ստեղծման ծրագրերը, իսկ մայիսին աշխատանք է առաջարկել Ethereum-ի ստեղծող Վիտալիկ Բուտերինին. ծրագրավորողն այս մասին հայտնել էր «Թվիթերի» իր էջում, սակայն հետո գրառումը ջնջել էր, փոխանցում է ՌԲԿ-ն:
Շատ փորձագետներ Google-ին կասկածել են անբարեխիղճ մրցակցության մեջ եւ հայտարարել, որ թվային փողերի գովազդի արգելքը կարող է կապված լինել միայն խարդախությունից օգտատերերին պաշտպանելու հետ: Blackmore Group ներդրումային ընկերության ղեկավար Ֆիլիպ Նունը զարմացել է, որ կորպորացիան արգելափակում է թվային փողերի հետ կապված հայտարարությունները, սակայն թույլ է տալիս ազարտային խաղերի գովազդումը:
«Ես կասկածում եմ, որ Google-ն արգելքը սահմանել է մոտ ապագայում սեփական կրիպտոարժույթի ստեղծման ծրագրերի պատճառով»,- հայտարարել է Blackmore Group-ի գլխավոր տնօրենը:
Google-ի ներկայացուցիչները հրաժարվել են մեղադրանքների մեկնաբանումից, սակայն 2018 թվականի մարտին ընկերությունը հաստատել է, որ մշակողների մի քանի խումբ ունի, որոնք ուսումնասիրում են տեղաբաշխման ռեեստրի տեխնոլոգիաների կիրառման հնարավորությունները: Միաժամանակ, Facebook-ից եւ Twitter-ից հետո ընկերությունը ներկայացրել էր կրիպտոարժույթների, ICO-ի, վիրտուալ դրամապանակների, բինարային գործարքների, ինչպես նաեւ թվային փողի վաճառքն ուսուցանող նյութերի ցանկացած գովազդային հայտարարության արգելման մասին: Այն ուժի մեջ կմտնի հունիսին:
Կորպորացիայի ղեկավարությունը այս քայլը պատճառաբանել էր այն հանգամանքով, որ տվյալ գովազդը հաճախ մարդկանց ապատեղեկացնում է՝ նրանց ստիպելով սխալ որոշումներ ընդունել, ինչպես նաեւ խարդախների ձեռքին արդյունավետ գործիք է դառնում: Ձեռներեցները, սակայն, արգելքը շրջանցում են՝ «cryptocurrency» («կրիպտոարժույթ») բառի փոխարեն օգտագործելով «c-currency» բառը, իսկ «bitcoin» բառում, օրինակ, «o» տառը փոխարինում են զրո թվով:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...