Սերենա Ուիլյամս. Ես պատվավոր հայ եմ. Նախատեսում եմ այցելել Հայաստան (Լուսանկար)

Ես պատվավոր հայ եմ, ասել է թենիսի Ֆրանսիայի բաց առաջնությանը մասնակցող աշխարհի նախկին առաջին ռակետ Սերենա Ուիլյամսը: Ամերիկացի թենիսիստուհու ամուսինը ամերիկահայ գործարար Ալեքսիս Օհանյանն է:

«Ամուսինս հայ է: Ես շատ բան գիտեմ հայերի մասին: Ես հավանում եմ այն, թե ինչքան հպարտ են նրանք: Նախատեսում եմ այցելել Հայաստան՝ այս տարի կամ հաջորդ տարի: Դա զվարճալի կլինի»,- Ուիլյամսի խոսքը մեջբերում է Ubitennis-ը:

Ֆրանսիայի բաց առաջնության երկրորդ շրջանում Սերենա Ուիլյամսը երեք սեթում առավելության է հասել ավստրալացի Էշլի Բարտիի նկատմամբ՝ 3:6, 6:3, 6:4: Ուիլյամսի հաջորդ մրցակիցը կլինի գերմանացի Յուլյա Գերգեսը:

#RG18 Serena Williams: "My husband is Armenian, I am learning a lot about Armenians, I am an honorary Armenian, I love how proud they are, I am planning to go over there, do not know if this year or next year, it is going to be fun!"

— Ubitennis (@Ubitennis) 31 мая 2018 г.