Ռուսաստանի ֆուտբոլի հավաքականը պարտվել է Ավստրիայի ազգային թիմին

Ռուսաստանի ֆուտբոլի ազգային հավաքականը 1:0 հաշվով պարտվել է Ավստրիայի հավաքականին Ինսբրուկում, աշխարհի առաջնության նախապատրաստական խաղում:

Սա արդեն Ռուսաստանի թիմի երրորդ պարտությունն է ընկերական խաղերում՝ Բրազիլիայի և Ֆրանսիայի հավաքականներից կրած պարտություններից հետո:

Երեկ աշխարհի առաջնության եզրափակիչ փուլի այլ մասնակիցներ եւս ընկերական հանդիպումներ են անցկացրել: Արգենտինան 4:0 հաշվով հաղթել է Հայիթիին, Պերուն՝ 2:0 հաշվով Շոտլանդիային, իսկ Ճապոնիան 2:0 հաշվով պարտվել է Գանայից:

Հիշեցնենք՝ ֆուտբոլի աշխարհի 2018 թվականի առաջնության եզրափակիչ մրցաշարը անցկացվելու է Ռուսաստանում, այն կմեկնարկի հունիսի 14-ին: