Հայաստանի հավաքականի նախկին մարզչի գլխավորությամբ Կոսովոն հաղթանակներ է տանում

Ֆուտբոլի Կոսովոյի հավաքականը երրորդ անընդմեջ հաղթանակն է տարել շվեյցարացի մասնագետ Բեռնար Շալանդի գլխավորությամբ։ Շվեյցարիայի Ցյուրիխ քաղաքում կայացած ընկերական խաղում Կոսովոյի հավաքականը 3։0 հաշվով ուժեղ է գտնվել Ալբանիայի թիմին։

Նախորդ 2 խաղերում Կոսովոյի հավաքականը Շալանդի գլխավորությամբ հաղթել էր Բուրկինա Ֆասոյի (2։0) եւ Մադագասկարի (1։0) հավաքականներին։

Հիշեցնենք, որ Բեռնար Շալանդը Հայաստանի հավաքականը գլխավորել է 2014-2015-ը։ Դա նրա առաջին աշխատանքային փորձն էր հավաքականներում։