Էրդողանը դատի է տվել նախագահական ընտրություններում իր մրցակցին

Թուրքիայի նախագահ Ռեջեփ Թայիփ Էրդողանը դատի է տվել նախագահական ընտրություններում իր հիմնական մրցակիցներից մեկին՝ Ժողովրդահանրապետական կուսակցությունից նախագահի թեկնածու առաջադրված Մուհարրեմ Ինջեին, գրում է diken.com.tr կայքը։

Ինջեի դեմ մեղադրանք է առաջադրվել «երկրի նախագահին վիրավորելու» մասին հոդվածով՝ Էրդողանի ու թուրք կրոնական քարոզիչ, «Հիզմեթ» կրոնական խմբավորման հիմնադիր և Թուրքիայում հեղաշրջման փորձի կազմակերպման համար մեղադրվող Ֆեթուլլահ Գյուլենի մտերմության մասին հայտարարությունների համար։

Ինջեն նաև պնդել էր, որ Էրդողանն իր «Արդարություն և զարգացում» կուսակցությունը հիմնելուց առաջ գնացել է ԱՄՆ Փենսիլվանիա նահանգ՝ Գյուլենից թույլտվություն ստանալու համար։

Հիշեցնենք, որ նախօրեին Էրդողանն ուղիղ եթերում հերքել էր Գյուլենի հետ իր վաղեմի մտերմության ու սերտ համագործակցության մասին պնդումները։ Ըստ Էրդողանի՝ նա Գյուլենին տեսել է երկու կամ երեք անգամ, այն էլ՝ Ստամբուլի քաղաքապետ եղած տարիներին։

2016-ի հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն: Հեղաշրջման փորձի համար Թուրքիայի նախագահ Ռեջեփ Թայիփ Էրդողանը մեղադրում է «Հիզմեթ» («Ծառայություն») կրոնական շարժման հիմնադիր և իր հակառակորդ Ֆեթուլլահ Գյուլենին:

Մեկնաբանելով իր դեմ բացված դատական գործը՝ Ինջեն հայտարարել է, որ չի վախենում Էրդողանի ճնշումներից ու շարունակելու է բարձրաձայնել ճշմարտությունը։

«Ես նույնիսկ գիտեմ, թե ում հետ ես գնացել Փենսիլվանիա՝ թույլտվություն ստանալու։ Նա, ով ինձ ասել է դա, քեզ հետ միասին գնացած մարդ է, դուք միասին եք գնացել։ Բայց գիտեմ, որ եթե հիմա ասեմ՝ վնաս կտաս այդ մարդուն, հիմա վիճել եք։ Իմ դեմ դատական գործ է բացել...Բացի՛ր, ի՞նչ անեմ, ինչ անում ես՝ արա», - ասել է Ինջեն։

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը