Որքան աշխատավարձ են ստանում նախագահը, վարչապետը եւ մյուս պաշտոնյաները
Հայաստանի հանրապետությունում ամենաբարձր վարձատրվող պաշտոնյան ՀՀ նախագահն է: Նրա ամսական աշխատավարձը կազմում է 1 մլն 322 հզր 800 դրամ:
Tert.am-ը «Պետական պաշտոններ զբաղեցնող անձանց վարձատրության մասին» ՀՀ օրենքի հիման վրա հաշվարկել է, թե որքան է կազմում ՀՀ-ում բարձրաստիճան պաշտոնատար անձանց աշխատավարձերը:
ՀՀ պետական պաշտոնյաների աշխատավարձը սահմանվում է «Պետական պաշտոններ զբաղեցնող անձանց վարձատրության մասին» ՀՀ օրենքով: Պետական պաշտոն զբաղեցնող անձանց բազային աշխատավարձի չափը սահմանվում է յուրաքանչյուր տարվա պետական բյուջեի մասին ՀՀ օրենքով: «2018 թվականի պետական բյուջեի մասին» ՀՀ օրենքին` պետական պաշտոն զբաղեցնող անձանց բազային աշխատավարձի չափը կազմում է 66,140 ՀՀ դրամ: «Պետական պաշտոններ զբաղեցնող անձանց վարձատրության մասին» ՀՀ օրենքի՝ ՀՀ նախագահի աշխատավարձի դրույքաչափի հաշվարկման գործակիցը սահմանվել է 20.00 :
ՀՀ-ում ամենաբարձր վարձատրվող երկրորդ պաշտոնյան ՀՀ վարչապետն է, ում աշխատավարձի դրույքաչափի հաշվարկման գործակիցը սահմանվել 19: Այսինքն, ՀՀ վարչապետի ամսական աշխատավարձը կազմում է 1 մլն 256 հզր 660 դրամ:
Ամենաբարձր վարձատրվող երրորդ պաշտոնյան ՀՀ Ազգային ժողովի նախագահն է, ում դրույքաչափի հաշվարկման գործակիցը սահմանվել է 18: Այսինքն` ՀՀ ԱԺ նախագահն ամսական ստանում է 1 մլն 190 հզր 520 դրամ:
Սահմանադրական դատարանի նախագահը, Բարձրագույն դատական խորհրդի նախագահն ու առաջին փոխվարչապետը ստանում են նույն չափի աշխատավարձ: Նրանց դրույքաչափերի հաշվարկման գործակիցը սահմանվել է 16, ամսական աշխատավարձը կազմում է 1 մլն 58 հզր 240 դրամ:
Ազգային անվտանգության խորհրդի քարտուղարի ու փոխվարչապետների դրույքաչափի հաշվարկման գործակիցը սահմանվել է 15,50, ամսական աշխատավարձը կազմում է 1 մլն 25 հզր 170 դրամ:
Մարդու իրավունքների պաշտպանի, Գլխավոր դատախազի, Վճռաբեկ դատարանի նախագահի, Հաշվեքննիչ պալատի նախագահի դրույքաչափերի համար սահմանվել է նույն գործակիցը՝ 15, նրանց աշխատավարձը կազմում է 992 հզր 100 դրամ:
Ազգային ժողովի նախագահի տեղակալի աշխատավարձը կազմում է 925 հզր 960 դրամ:
Վճռաբեկ դատարանի պալատի նախագահն ու Ազգային ժողովի մշտական հանձնաժողովի նախագահը, վարչապետի աշխատակազմի ղեկավարը, Ազգային ժողովի աշխատակազմի ղեկավարն ունեն դրույքաչափի հաշվարկման նույն գործակիցը՝ 12, հետևաբար նրանք ստանում են 793 հզր 680 դրամ:
Նախարարները, Ազգային անվտանգության ծառայության տնօրենը, Ոստիկանության պետը, Պետական եկամուտների կոմիտեի նախագահը, Պետական վերահսկողության ծառայության ղեկավարը, ԶՈՒ գլխավոր շտաբի պետը, ՍԴ դատավորը, Կոռուպցիայի կանխարգելման հանձնաժողովի նախագահը, Հատուկ քննչական ծառայության պետը, Բարձրագույն դատական խորհրդի անդամը, Քննչական կոմիտեի նախագահը ամսական ստանում են 793 հզր 680 դրամ, նրանց աշխատավարձի հաշվարկման գործակիցը սահմանված է 12:
ԱԺ պատգամավորը, մարզպետը, Քրեակատարողական ծառայության պետը, Փրկարար ծառայության տնօրենը, Ոստիկանության պետի առաջին տեղակալը, Վարչական և Առաջին ատյանի դատարանների դատավորները ստանում են 661 հզր 400 դրամ, դրույքաչափի հաշվարկման գործակիցը 10-ն է:
Բեթղեհեմ Արաբյան
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...