Ադրբեջանի Մեջլիսի խոսնակը պնդում է՝ ԵԽԽՎ պատժամիջոցները նշանակություն չունեն

Պաշտոնական Բաքուն շարունակում է ձևացնել, թե Եվրախորհրդի խորհրդարանական վեհաժողովում (ԵԽԽՎ) ադրբեջանական պատվիրակության ղեկավարի նկատմամբ սահմանված պատժամիջոցները որևէ նշանակություն չունեն, հաղորդում է «Թուրան»-ը:

Ադրբեջանական գործակալության փոխանցմամբ՝ ուրբաթ օրը Միլի մեջլիսում խորհրդարանի խոսնակ Օքթայ Ասադովը կոչ է արել չգերագնահատել ԵԽԽՎ-ում Սամեդ Սեիդովի գործունեությունը սահմանափակող պատժամիջոցների նշանակությունը: Ասադովը նաև մեղադրել է ԵԽԽՎ-ին «ղարաբաղյան հակամարտությունը երբեք չքննարկելու համար՝ հայամետ ուժերի հակազդեցության պատճառով»:

Մինչդեռ, հիշեցնենք, Ադրբեջանի նախագահ Իլհամ Ալիևը բազմիցս է «բարձր գնահատել» ԵԽԽՎ-ի՝ ղարաբաղյան հակամարտության վերաբերյալ հակահայկական բանաձևերը:

«Թուրան»-ը նշում է, որ պաշտոնական Բաքուն այդպես էլ հստակ չի պատասխանել կոռուպցիոն մեղադրանքներին, որոնց պատճառով ադրբեջանցի խորհրդարանականը և ԵԽԽՎ ևս երեք պատգամավորներ պատժամիջոցների են ենթարկվել:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»