Անկարգություններ հատուկ գործողություններից հետո (Լուսանկարներ)

Թբիլիսիի «Բասիանի» և «Գալերեա» հայտնի գիշերային ակումբներում այս գիշեր հատուկ գործողություն է անցկացվել, ինչի հետևանքով 8 մարդ է ձերբակալվել: Խուզարկությունների համար հիմք է դարձել դատարանի որոշումը: Այդ մասին հայտնում է lenta.ru-ն՝ Վրաստանի ներքին գործերի նախարարությանը հղումով:

Տեղական ԶԼՄ-ների տեղեկություններով՝ ակումբների տարհանված այցելուները, դժգոհելով ուժայինների գործողություններից, անկարգություններ են սկսել երկրի խորհրդարանի շենքի մոտ:

Ինչպես հայտնում է «Ռուսթավի 2» հեռուստաալիքը, ցուցարարների և ոստիկանության միջև բախումներ են տեղի ունեցել:

Վրաստանի ՆԳՆ-ի տվյալներով՝ երեք ամսվա ընթացքում հետաքննություն է անցկացվել գիշերային ակումբներում թմրանյութերի վաճառքի առնչությամբ: Ձերբակալվածների թվում է «Բասիանի» ակումբի հիմնադիրներից Զվիադա Գելբախիանին: