Թուրքիայի խորհրդարանը մերժել է Փայլանի՝ Հայոց ցեղասպանության ճանաչման պահանջով օրինագիծը
Թուրքիայի խորհրդարանի նախագահ Իսմայիլ Քահրամանը պատասխանել է ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանի կոչին, որով վերջինս կոչ էր արել երկրի իշխանություններին ճանաչել Հայոց ցեղասպանությունը և քաղաքացիություն շնորհել զոհերի ժառանգներին։
Ինչպես գրում է Ստամբուլում գործող հայկական պարբերականներից «Ակօս»-ը, Քահրամանը հայտարարել է, որ նման պահանջի կատարումը հակասում է թուրք ժողովրդի ազգային գիտակցությանն ու պատմությանը։
Մեջլիսի նախագահությունը նաև մեղադրել է հայազգի պատգամավորին՝ «թուրք ժողովրդի անցյալն ու Թուրքիա պետությանը վիրավորելով խորհրդարանի կանոնակարգի 67-րդ կետը խախտելու համար»։
Նախագահությունը մերժել է Փայլանի առաջարկած օրինագիծը՝ հետ ուղարկելով այն պատգամավորին՝ «անհրաժեշտ ուղղումներ» իրականացնելու համար։
Իր օրինագծով Փայլանը, մասնավորապես, պահանջել էր ճանաչել Հայոց ցեղասպանությունը, բացառել հասարակական վայրերը ոճրագործների անուններով կոչելն ու քաղաքացիություն շնորհել ցեղասպանությանը զոհ գնացած կամ դրանից տուժած հայերի ժառանգներին:
«Ցեղասպանությունից հետո ողջ մնացած հայերը 103 տարի է՝ պայքարում են իրենց գլխին եկած ողբերգության հետ կապված արդարությունը վերականգնելու համար: Սակայն ցեղասպանությունից տուժած միլիոնավոր հայեր արդեն հրաժեշտ են տվել կյանքին՝ առանց ճաշակելու արդարությանը հասնելու զգացումը: Այն վայրը, որտեղ պետք է քննարկվի Հայոց ցեղասպանությունը, հենց Թուրքիայի խորհրդարանն է. երբ դա կատարվի՝ Հայոց ցեղասպանությունը կդադարի դառնալ այլ երկրների խորհրդարանների թեման»,- նշել էր Փայլանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա