Մխիթարյանի մասին խոսել է նույնիսկ Ռունին

«Մանչեսթեր Յունայթեդի» նախկին հարձակվող, «Էվերտոնում» հանդես եկող անգլիացի Ուեյն Ռունին խոսել է Լոնդոնի «Արսենալի» մեկնարկային կազմում նորամուտը նշած Հայաստանի հավաքականի կիսապաշտպան Հենրիխ Մխիթարյանի մասին:

«Ես շատ եմ տեսել Մխիթարյանին մարզումների ժամանակ: Նա բարձրակարգ խաղացող է: Կարծում եմ՝ «Մանչեսթեր Յունայթեդում» նա չուներ այն ազատությունը, որը իսկապես ցանկանում էր եւ որը ունեցել էր Դորտմունդի «Բորուսիայում»: Վստահ եմ, որ «Արսենալում» նա իրեն կդրսեւորի»,- ասել է Ռունին Sky Sports-ի Monday Night Football-ում, փոխանցում է sportsmole-ը:

Հիշեցնենք, որ Պրեմյեր լիգայի 26-րդ տուրում ֆրանսիացի Արսեն Վենգերի գլխավորած թիմը տանը 5:1 հաշվով հաղթել է «Էվերտոնին»: Ամբողջ հանդիպումն անցկացրած Մխիթարյանը կատարել է 3 գոլային փոխանցում:

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում