Amnesty International-ի Թուրքիայի մասնաճյուղի ղեկավարն ազատ արձակվելուց անմիջապես հետո կրկին ձերբակալվել է

Թուրքիայում բանտից ազատ արձակվելուց անմիջապես հետո կրկին ձերբակալվել է Amnesty International միջազգային իրավապաշտպան կազմակերպության տեղի մասնաճյուղի ղեկավար Թաներ Քըլըչը, այս մասին գրում է թուրքական «Էվրենսել» պարբերականը:

Հիշեցնենք, որ թուրքական դատարանը որոշում էր կայացրել մինչև դատավարության ավարտը ստորագրությամբ ազատ արձակել Քըլըչին: Աղբյուրը նշում է, որ իրավապաշտպանը ձերբակալվել է բանտից դուրս գալու պահին:

Հայտնի իրավապաշտպանին բանտի մուտքի մոտ դիմավորելու էին եկել բազմաթիվ ակտիվիստներ, իրավապաշտպաններ և մտավորականներ: