Վենգեր. «Ես միշտ էլ գիտեի, որ Մխիթարյանը հայ է»

«Արսենալի» գլխավոր մարզիչ Արսեն Վենգերը հայտարարել է, թե սուտ են այն լուրերը, թե իբր ինքը նախկինում կարծել է, որ թիմի նորեկ Հենրիխ Մխիթարյանը թուրքական ծագում ունի:

«Ես հոգնել եմ հերքել իմ մասին շրջանառվող սուտ տեղեկությունները, բայց հիմա հատուկ ուզում եմ հայտարարել, որ ես միշտ էլ իմացել եմ, թե ով է Հենրիխ Մխիթարյանը: Մի մոռացեք, որ ես ֆրանսիացի եմ, իսկ Ֆրանսիայում հայերը միշտ էլ լավ անուն եւ հարգանք են ունեցել»,- ասել է Վենգերը:

«Ցավում եմ, որ որեւէ մեկի մտքով անցել է, թե ես չեմ իմացել ով եւ ինչ ազգության է Մխիթարյանը, թեեւ իմ համար կարեւորը ոչ թե ֆուտբոլիստի ազգությունն է, այլ որակները»,- շարունակել է նա:

«Ալեն Պողոսյանը, Յուրի Ջորկաեւֆը, Ազնավուրը հայեր են, եւ ես հայերի մասին տեղեկացված եմ եղել, երբ սովորում էի Ստրասբուրգի համալսարանի տնտեսագիտության ֆակուլտետում»,- պատմել է Վենգերը:

«Ես այսօր ոչ թե մտածում եմ Մխիթարյանի ազգության մասին, այլ որ նա լավ խաղա իր առաջին խաղում»,- ավարտել է միտքը հայտնի մարզիչը, որը բացի ֆրանսերենից տիրապետում է էլզասի բարբառին, անգլերենին, գերմաներենին, իսպաներենին, իտալերենին եւ ճապոներենին:

«Ես եւ Մխիթարյանը բազմաթիվ լեզուների ենք տիրապետում եւ իրար հետ հաստատ լեզու կգտնենք»,- կատակով ավելացրել է նա:

Top-News.am

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում