Լեւոն Ջուլֆալակյան. Հայաստանի առաջնությանը չի մասնակցի միայն Արթուր Ալեքսանյանը
Հունահռոմեական ոճի հայ ըմբիշները նախապատրաստվում են հունվարի 28-ին կայանալիք Հայաստանի առաջնությանը: Հունահռոմեական ոճի ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը պատմել է, որ առաջնությանը մասնակցելու են բոլոր ըմբիշները՝ բացառությամբ Ռիո-2016 Օլիմպիական խաղերի չեմպիոն Արթուր Ալեքսանյանի:
«Առաջնությանը մասնակցելու են մեր բոլոր ըմբիշները, բացի Արթուր Ալեքսանյանից: Հայաստանի առաջնության արդյունքների հիման վրա կկազմավորվի այս մրցաշրջանի մեր հավաքականը, որը առաջնության ավարտից հետո Ծաղկաձորում կնախապատրաստվի փետրվարի 23-25-ը Կիեւում կայանալիք միջազգային մրցաշարին:
Միանշանակ, շատ ուրախալի է, որ պարտերը վերադարձրել են ըմբշամարտ: Ես բազմիցս նշել եմ, որ առանց այդ դրության մեր մարզաձեւը սումոյի էր նմանվել: Ոչ միայն մեր, այլեւ մյուս բոլոր բարձրակարգ ըմբիշների համար այդ դրության վերադարձը կարեւոր էր:
Հունվարից ուժի մեջ են մտել նոր կանոնները, եւ մենք էլ Հայաստանի առաջնությունը հենց այդ կանոններով ենք անցկացնելու, այսինքն՝ կշռման արարողություն եւ մրցում նույն օրը: Նոր կանոնների մեջ շատ հարցեր ու բացեր կան: Թերությունները շատ են: Օրինակ ըմբիշին տալիս են նկատողություն, մրցակցի օգտին գրանցվում է 1 միավոր, եւ դա էլ բավական չէ, կանոնները խախտողին ծնկած դրություն են նստացնում: Բայց քանի որ այս օրենքները դեռեւս մշակման փուլ են անցնում եւ հիմա դրանք ավելի շատ փորձնական են, հույս ունենք, որ կշտկվեն»,- Լեւոն Ջուլֆալակյանի խոսքը մեջբերում է Հայաստանի ըմբշամարտի ֆեդերացիայի մամուլի ծառայությունը:
Հունահռոմեական ոճի ըմբշամարտի Հայաստանի առաջնությունը տեղի կունենա նախկին «Միկա» մարզադահլիճում եւ կմեկնարկի ժամը 10:30-ից:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի