«Մանչեսթեր Յունայթեդի» ֆանատների նամակը՝ Հենրիխ Մխիթարյանին

«Մանչեսթեր Յունայթեդի» երկրպագուները նամակ են գրել մանչեսթերյան ակումբից Լոնդոնի «Արսենալ» տեղափոխված Հայաստանի հավաքականի կիսապաշտպան Հենրիխ Մխիթարյանին, որը նամակը հրապարակել է Ինստագրամում եւ շնորհակալություն հայտնել:

«Թանկագին Հենրիխ, շատ ժամանակ պահանջվեց խոսքերով զգացմունքներս հայտնելու համար: Այս նամակը «Յունայթեդի» բոլոր երկրպագուների անունից է: Քո տրանսֆերի շուրջ խոսակցությունները շատ էին: Բայց մենք ակումբի կամ մարզիչի որոշումները քննադատելու համար չենք: Մենք այստեղ ենք, որպեսզի ցույց տանք մեր սերը: Գրում ենք այս նամակը, քանի որ հասկանում ենք, որ դու պետք է այլ կերպ հեռանայիր ակումբից: Մենք չենք ցանկանում, որ մտածես, թե ակումբի բոլոր երկրպագուները ցանկանում էին քո հեռանալը: Երկրպագուները գիտեն՝ ինչպես աջակցեն ֆուտբոլիստներին:

Իհարկե, ֆուտբոլը երբեմն անխնա է, իսկ իրերը դասավորվում են ոչ այնպես, ինչպես կարելի էր սպասել: Բայց մենք երբեք չենք մոռանա այն ժամանակը, որը դու անցկացրիր «Մանչեսթեր Յունայթեդում»: Մենք երբեք չենք մոռանա, թե ինչպես դու մեզ փրկեցիր Եվրոպայի լիգայում: Քո գոլը օգնեց մեզ վերադառնալ Չեմպիոնների լիգա: Մենք շնորհակալ ենք քեզ այդ ամենի համար: Չի կարելի չհիշատակել նաեւ քո «կարիճ» հարվածով գոլը «Սանդերլենդի» դարպասը:

Իմացիր, որ դու տաղանդավոր ֆուտբոլիստ ես ոսկե սրտով եւ շատ որակներով: Մաղթում ենք քեզ հաջողություն «Արսենալում» եւ լավագույնը՝ ապագայում: Երբեք մի մոռացիր, թե դու ով ես»:

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում