Վենգերն անկեղծացել է եւ խոսել Մխիթարյանի մասին

Լոնդոնի «Արսենալի» ֆրանսիացի գլխավոր մարզիչ Արսեն Վենգերը խոստովանել է, որ 2016 թվականի ամռանը դիտարկել է Հայաստանի հավաքականի կիսապաշտպան Հենրիխ Մխիթարյանի տրանսֆերը Դորտմունդի «Բորուսիայից», սակայն գործարքը չի ստացվել: Մխիթարյանը տեղափոխվել պորտուգալացի Ժոզե Մոուրինյոյի գլխավորած «Մանչեսթեր Յունայթեդ»:

«Այո, այն ժամանակ ես հանդիպել եմ նրա հետ: Մենք մոտ էինք տրանսֆերի իրականացմանը, բայց վերջին պահին ինչ-որ բան չստացվեց:

Հիմա նա նոր շանս է ստանում: Վստահ եմ, որ նա կօգտագործի այդ շանսը: Մենք նրա հետ նաեւ կվերլուծենք, թե նախորդ թիմում ինչու չէր հայտնվում մեկնարկային կազմում: Ես նրան պատկերացնում եմ տարբեր դիրքերում, բայց իհարկե առաջնային կլինի նրա տեղը կիսապաշտպանության կենտրոնում, մի փոքր հետ քաշված»,- Արսեն Վենգերի խոսքը մեջբերում է espnfc.com-ը: Մխիթարյանը նոյեմբերի 5-ից չի եղել մեկնարկային կազմում Պրեմյեր լիգայի հանդիպումների ժամանակ:

Հիշեցնենք, որ 29-ամյա հայ ֆուտբոլիստը «Արսենալի» հետ կնքել է երկարաժամկետ պայմանագիր եւ հանդես կգա 7 համարի մարզաշապիկով, որն ազատ էր մնացել չիլիացի հարձակվող Ալեքսիս Սանչեսի հեռանալուց հետո:

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում