Ուղտերին բոտեքսել են եւ տարել մրցույթի

12 կենդանիներ ընտրանքից բացառվել են դրանց տերերի կողմից բոտոքսի ապօրինի օգտագործման պատճառով, հայտնում է էմիրաթական The National պարբերականը: Մրցությանը մասնակցելուց առաջ կենդանիներին կատարյալ տեսք տալու համար շուրթերի, այտերի, գլխի եւ ծնկերի մեջ ֆիլեր են ներարկել:

«Մրցույթում սովորաբար բոտոքսը լայնորեն կիրառվում է էգ ուղտերի շուրթերը, քիթը եւ նույնիսկ ծնոտը լցնելու համար,- ասել է մրցույթի մասնակիցներից մեկը: - Դատավորները եւ հանդիսատեսը սովորաբար հիանում են խոշոր գլխով եւ արտաքինի մեծացված մասերով»:

Ամենագեղեցիկ էգ ուղտի կոչման մրցույթն անցկացվում է թագավոր Աբդել Ազիզի անվան ավանդական փառատոնի շրջանակում: Ներկայացված է ավելի քան 30 հազար կենդանի: Մրցանակային ֆոնդը կազմում է 57 մլն դոլար, որից ավելի քան 31 մլն-ը հատկացվում է գեղեցկության մրցույթի մրցանակներին: Հունվարի 1-ին փառատոնի սկզբից մրցույթին հաճախել է 300 հազար մարդ:

Նշվում է, որ խարդախները չեն սահմանափակվում բոտոքի օգտագործմամբ. հայտնի են պլաստիկ վիրաբույժների ներգրավելու դեպքեր: Այսպես՝ մրցույթի ժամանակ պարզվել է, որ վիրաբույժները տերերի պատվերով փոքացրել են էգ ուղտերի ականջների չափերը: Անբարեխիղճ մասնակիցները նաեւ մգեցնում են իրենց կենդանիների մորթու գույնը:

Լուրեր Հայաստանից - NEWS.am