Շահագործման հանձնվեց ըմբշամարտի Գորիսի հիմնանորոգված մարզադահլիչը
Գործարկումից 39 տարի անց հիմնանորոգվել և շահագործման է հանձնվել Գորիսի ըմբշամարտի մարզադահլիճը: Մարզադահլիճի բացման արարողությանը մասնակցում էին Սյունիքի մարզպետ Վահե Հակոբյանը, մարզպետի տեղակալ Վարդան Դավթյանը, գորիսեցի գործարար Գագիկ Առուշանյանը, հյուրեր, ծնողներ և սաներ: Հրավիրվածներին դիմավորեցին աղ ու հացով:
Այնուհետև կտրվեց կարմիր ժապավենը, և հանդիսավոր արարողությունը շարունակվեց հիմնովին վերանորոգված, գեղեցիկ ու տոնական զարդարված մարզադահլիճում: Հրավիրվածներն իրենց խոսքում կարևորեցին ֆիզիկական դաստիարակության դերն ու նշանակությունը: Նրանք իրենց ուրախությունը հայտնեցին և շնորհավորեցին մարզադահլիճի սաներին ու մարզիչներին՝ բարեկարգված մարզադահլիճ ունենալու կապակցությամբ:
Տարիներ շարունակ ըմբշամարտի սաները քարուքանդ, ցուրտ ու անբավարար պայմաններում էին պարապմունքներ անցկացնում:
Թեև նախկին, անմխիթար պայմանները բարդություններ ու երբեմն էլ անհնարին էին դարձնում պարապմունքների արդյունավետ անցկացումը, այնուամենայնիվ մարզիչներն ամեն օր աշխատել և աշխատում են՝ հաջողություններ արձանագրելով: Այս տարիների ընթացքում Գորիսի ըմբշամարտի կենտրոնն ունեցել է Եվրոպայի երիտասարդների առաջնության մրցանակակիր ու Հայաստանի չեմպիոն:
Այժմ արդեն պարապմունքներն անց են կացվելու հիմնանորոգված մարզադահլիճում, ժամանակակից ու հարմարավետ պայմաններում: Գորիսեցի գործարար Առուշ Առուշանյանի նախաձեռնությամբ և ֆինանսական աջակցությամբ նորոգվել է մարզադահլիճի տանիքը, փոխվել են լուսամուտները, դռները, հիմնանորոգվել հանդերձարանները, սանհանգույցները, լոգարանը: Կատարվել են ներքին հարդարման աշխատանքներ: Խալխուլ մարզադահլիճի հիշողությունները մնացին անցյալում…
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...