Հենրիխ Մխիթարյանը «Մանչեսթեր Յունայթեդի» հետ մեկնել է Լեսթեր (Լուսանկար)

«Մանչեսթեր Յունայթեդը» մեկնել է Լեսթեր, որտեղ Անգլիայի առաջնության 19-րդ տուրի խաղում կմրցի «Լեսթեր Սիթիի» հետ: Պորտուգալացի Ժոզե Մոուրինյոյի գլխավորած թիմի կազմում հանդիպմանը մեկնել է նաեւ Հայաստանի հավաքականի կիսապաշտպան Հենրիխ Մխիթարյանը, հաղորդում է manchestereveningnews-ը:

Հիշեցնենք, որ տեւական դադարից հետո Մխիթարյանը հայտնվել էր «Մանչեսթեր Յունայթեդի» հայտացուցակում «Բրիստոլ Սիթիի» դեմ Անգլիական լիգայի գավաթի խաղարկության քառորդ եզրափակիչի խաղում: Հայ ֆուտբոլիստը 69-րդ րոպեին փոխարինեց շվեդ հարձակվող Զլատան Իբրահիմովիչին, որը դարձել էր գոլի հեղինակ, սակայն մանչեսթերյան թիմը ավելացված ժամանակում բաց թողած գոլի հետեւանքով պարտվեց 1:2 հաշվով եւ դուրս մնաց պայքարից:

Դեկտեմբերի 23-ին կայանալիք «Լեսթեր Սիթի» - «Մանչեսթեր Յունայթեդ» հանդիպումը կմեկնարկի Երեւանի ժամանակով 23:45-ին:

Այս թեմայով Մխիթարյանը կերտեց Ինտերի 5:1 հաշվով հաղթանակը Ադրբեջանը կարծես դեմ չէ, որ Մխիթարյանը խաղա Բաքվում Հենրիխ Մխիթարյանն ընդդեմ Ադրբեջանի չեմպիոնի «Արսենալ»-ը հաղթեց ՊՍԺ-ին. Մխիթարյանը մեկնարկային կազմում էր Մխիթարյանն առաջնությունն ավարտեց վեցերորդ տեղում