Մոջթաբա Խամենեին մահից խուսափել է՝ ավիահարվածից առաջ դուրս գալով շենքից. The Daily Telegraph
Իրանի նոր գերագույն առաջնորդ այաթոլլա Մոջթաբա Խամենեին փետրվարի 28-ին ԱՄՆ-ի և Իսրայելի իրականացրած գրոհի ժամանակ մահից խուսափել է այն բանի շնորհիվ, որ ավիահարվածից կարճ ժամանակ առաջ դուրս է եկել հարձակման ենթարկված շենքից: «Արմենպրես»-ի փոխանցմամբ՝ այս մասին հաղորդում է The Daily Telegraph թերթը:
Հենց այս հարձակման հետևանքով սպանվել էր Իրանի գերագույն առաջնորդ Ալի Խամենեին՝ Մոջթաբա Խամենեիի հայրը։ Պարբերականը վկայակոչում է այաթոլլա Ալի Խամենեիի արարողակարգի ղեկավար Մազահեր Հոսեյնիի հաղորդագրության ձայնագրությունն՝ ուղղված Իսլամական հեղափոխության պահապանների կորպուսի ղեկավարությանը: The Daily Telegraph-ը պնդում է, որ ձայնագրության իսկությունը հաջողվել է հաստատել անկախ ստուգման միջոցով: «Դա Աստծո կամքն էր. Մոջթաբան պետք է դուրս գար բակ ինչ-որ գործով, ապա վերադառնար: Նա եղել է դրսում և արդեն հետ վերադառնալիս է եղել, երբ հրթիռը հարվածել է շենքին: Նրա կինը՝ տիկին Հադադը, անմիջապես զոհվել է», - մեջբերում է թերթը Հոսեյնիի հաղորդագրությունը: Նա հայտնել է, որ հարվածի ժամանակ Իրանի նոր գերագույն առաջնորդը ստացել է միայն «ոտքի թեթև վնասվածք», իսկ նրա որդին նույնպես սպանվել է:
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ է աղմկում Երևանը
Ինչո՞ւ չունենք կանաչ Երևան
Անչափահասների կողմից կատարված հանցագործություններ. 2025 թվական
Տղամարդն Իրանից Հայասատան է տեղափոխել 22 կգ թմրամիջոցով պարկ
Բրազիլիայի առաջնության եզրափակիչն ավարտվել է սկանդալով
Շարունակվում է Հախումի կամրջի կառուցումը․ աշխատանքների 90%-ը ավարտված է
Ապրիլի 1-ից կբարձրանան ԱՊՊԱ հատուցումների առավելագույն սահմանաչափերը