Բյուրականի աստղադիտարանի ձեռքբերումները ներկայացվել են միջազգային դիվանագիտական համայնքին
Տեղի է ունեցել ՀՀ արտաքին գործերի նախարարության կողմից կազմակերպված մշակութային դիվանագիտության թեմատիկայով հերթական միջոցառումը՝ նվիրված Վիկտոր Համբարձումյանի անվան Բյուրականի աստղադիտարանի հիմնադրման 80-ամյակին և Բյուրականի աստղադիտարանի Առաջին բյուրականյան շրջահայության լուսաթիթեղների՝ ՅՈՒՆԵՍԿՕ-ի «Աշխարհի հիշողություն» գրանցամատյանում ընդգրկվելու 15-ամյակին:
Միջոցառմանը, որը կազմակերպվել է աստղադիտարանի հետ համագործակցաբար, մասնակցել են Հայաստանի Հանրապետությունում հավատարմագրված դեսպաններ, միջազգային կազմակերպությունների և տարբեր երկրների դիվանագետներ:
Ողջույնի խոսքով հանդես են եկել ՀՀ ԱԳ նախարարության գլխավոր քարտուղար Դավիթ Կարապետյանը և Բյուրականի աստղադիտարանի տնօրեն Արեգ Միքայելյանը: Դավիթ Կարապետյանն իր խոսքում նշել է, որ վերոնշյալ հոբելյանները ոչ միայն ընդգծում են Հայաստանի՝ աստղագիտության և գիտական հայտնագործությունների ոլորտում ձեռք բերված ակնառու նվաճումները, այլև փաստում են մի ժառանգության մասին, որը հատել է ազգային սահմանները՝ նպաստելով մարդկության հավաքական գիտելիքի և մշակութային ժառանգության հարստացմանը։
Գլխավոր քարտուղարն ընդգծել է Բյուրականի աստղադիտարանի դերը՝ որպես հայկական գիտական մտքի և նվաճումների խորհրդանիշ, և նշել, որ հիմնադրման առաջին իսկ տարիներից աստղադիտարանում կատարված հայտնագործությունները փոխակերպել են տիեզերքի մասին մեր պատկերացումները և էական ներդրում ունեցել աստղագիտության զարգացման գործում։
Միջոցառման ընթացքում հյուրերը շրջայց են կատարել աստղադիտարանում՝ ծանոթանալով դրա պատմությանը, գիտական ձեռքբերումներին և աստղագիտական հետազոտություններին։ Մասնակիցներն այցելել են Վիկտոր Համբարձումյանի տուն-թանգարան, աստղադիտակներ, ծանոթացել աստղադիտարանի գործունեությանն ու դիտողական գործիքներին, ինչպես նաև աստղագիտության ոլորտում միջազգային գիտական համագործակցության խթանման գործում Հայաստանի ներգրավածությանն ու նախաձեռնություններին:
Գիտնականները քաղցկեղի վերադարձից ամիսներ առաջ այն հայտնաբերելու միջոց են գտել
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
48 հավաքական, 104 հանդիպում. մեկնարկել է
աշխարհի առաջնությունը
Ա․ Մերանգուլյանի անվան ժողովրդական գործիքների վաստակավոր անսամբլի մարզային համերգները
Երկաթի դարի առեղծվածային ընտանեկան ծեսը. մահացածի ուղեղը հեռացրել են, իսկ ոսկորները վերածել գործիքնե...
Հակակոռուպցիոն կոմիտեի նախագահը միջնորդություն է ներկայացրել նախարարություն
Գերմանիայի աշխատաշուկան՝ կադրերի դեֆիցիտի առաջ